აღმოსავლეთ ევროპის უნივერსიტეტისა და სსიპ განათლების ხარისხის განვითარების ეროვნული ცენტრის ორგანიზებით 2025 წლის 24-26 ივნისს, ევროპული უმაღლესი განათლების კვირეულის ფარგლებში (EHEW), ტარდება საერთაშორისო სამეცნიერო კონფერენცია: ,,განათლება – კეთილდღეობის კატალიზატორი.“
კონფერენციის მიზანია განათლების, როგორც პიროვნული და საზოგადოებრივი კეთილდღეობის მამოძრავებელი ძალის განხილვა და ამ სფეროში უნივერსიტეტების როლის პრიორიტიზება, კეთილდღეობასთან დაკავშირებული გამოწვევების იდენტიფიცირება და გადაჭრის გზების ძიება;
საერთაშორისო სამეცნიერო კონფერენცია მიზნად ისახავს ისეთი პლატფორმის შექმნას, რომლის ფარგლებშიც სხვადასხვა დარგის ექსპერტები, მკვლევრები, პედაგოგები, პოლიტიკის შემქმნელები და სხვა დაინტერესებული მხარეები შეძლებენ განიხილონ თუ როგორ შეიძლება განათლების სისტემის გაუმჯობესება და მისი გარდაქმნა კეთილდღეობის ეფექტურ კატალიზატორად. კონფერენცია ხელს შეუწყობს ინოვაციური იდეების გაზიარებას, საუკეთესო პრაქტიკის განხილვას და თანამშრომლობითი ინიციატივების წახალისებას.
კონფერენცია ფარავს შემდეგ მიმართულებებს: განათლება, სოციალური მეცნიერებები, ეკონომიკა, სამართალი, ციფრული ტრანსფორმაცია, უნივერსიტეტის დანიშნულება და მისია, განათლების ხარისხი, ჯანდაცვა;
საუკეთესო სტატიები გამოქვეყნდება მაღალრეიტინგულ საერთაშორისო ჟურნალში.
ევროპული უმაღლესი განათლების კვირეულთან დაკავშირებული ღონისძიება წარიმართება სამ ეტაპად:
- პირველი დღე – მიღების ღონისძიება და კონფერენციის გახსნა
- მეორე დღე – კონფერენცია ,,განათლება – კეთილდღეობის კატალიზატორი”
- მესამე დღე – კონფერენციის დახურვა – კონფერენციაზე წარმოდგენილი მოხსენებების განხილვის შედეგები და რეკომენდაციები; ტური თბილისში და საზეიმო გალა ვახშამი;
კონფერენციის ფორმატი: პირისპირ
კონფერენცია მოიცავს პლენარულ და პარალელურ თემატურ სესიებს წამყვანი ექსპერტების მონაწილეობით, მრგვალი მაგიდის დისკუსიებს, სამუშაო ჯგუფებს პრაქტიკული გადაწყვეტილებების შემუშავებისთვის, საუკეთესო პრაქტიკის გაზიარების სესიებს, ნეთვორქინგის შესაძლებლობებს
ვის შეუძლია მონაწილეობა:
- მკვლევრები და აკადემიკოსები
- საგანმანათლებლო დაწესებულებების წარმომადგენლები
- პოლიტიკის შემქმნელები
- ორგანიზაციები, რომლებიც მუშაობენ განათლების სფეროში
- სადოქტორო საფეხურის სტუდენტები და ახალგაზრდა მკვლევარები
- სხვა დაინტერესებული პირები
კონფერენციის მთავარი მომხსენებლები და მონაწილეები:
კონფერენციის მთავარი მომხსენებლები არიან სორბონის უნივერსიტეტის (პარიზი) პროფესორი ლუიზ დელინგუოთერ და ალიკანტეს უნივერსიტეტის (ესპანეთი) პროფესორი მანუელ ლილო-კრესპო. ასევე, ევროპისა (გერმანია, დიდი ბრიტანეთი, საფრანგეთი, ესპანეთი, პორტუგალია, იტალია, ავსტრია, პოლონეთი, რუმინეთი) და აშშ წამყვანი უნივერსიტეტების წარმომადგენლები.
სამუშაო ენა: ინგლისური
კონფერენციაში მონაწილეობის საფასური: 100 ევრო (EUA-ს წევრებისთვის, მათ შორის EEU-სთვის – 50 ევრო)
კონფერენციის განხორციელების ადგილი: აღმოსავლეთ ევროპის უნივერსიტეტი (საქართველო, თბილისი, ი. ენუქიძის ქ. 6 – აშშ-ს საელჩოს მიმდებარედ)