აღმოსავლეთ ევროპის უნივერსიტეტის (EEU) დაფინანსებით, 2026 წლის 1-3 სექტემბრის ჩათვლით, სადოქტორო საფეხურზე სწავლით დაინტერესებული პირებისთვის სადოქტორო საზაფხულო სკოლა გაიმართა.
საზაფხულო სკოლა განხორციელდა EEU-ს განათლების მეცნიერებების ინგლისურენოვანი სადოქტორო პროგრამის ფარგლებში, რომელიც აღმოსავლეთ ევროპის უნივერსიტეტში მიდლსექსის უნივერსიტეტის განათლების დეპარტამენტის მხარდაჭერით ხორციელდება. პროგრამის მიზანს წარმოადგენდა სადოქტორო საფეხურზე სწავლით დაინტერესებული კანდიდატების მომზადება სადოქტორო სწავლებისთვის, მათი აკადემიური და კვლევითი კომპეტენციების განვითარებისა და კვლევითი საქმიანობის სპეციფიკის გაცნობა.
საზაფხულო სკოლას უძღვებოდა დოქტორი ლუიზ დელინგუოთერი – სორბონის უნივერსიტეტის პროფესორი, EEU-ს აფილირებული პროფესორი და განათლების მეცნიერებების სადოქტორო პროგრამის ხელმძღვანელი.
საზაფხულო სკოლის ფარგლებში მონაწილეებს მიესალმა განათლების მეცნიერებების დეკანი ქეთევან აფთარაშვილი, რომელმაც ხაზი გაუსვა სადოქტორო განათლების მნიშვნელობასა და ახალგაზრდა მკვლევართა აკადემიური და კვლევითი უნარების განვითარების აუცილებლობას.
საზაფხულო სკოლის განხორციელებაში ასევე მონაწილეობდა სამეცნიერო კვლევებისა და განვითარების დეპარტამენტის ხელმძღვანელი, განათლების მეცნიერებების სადოქტორო პროგრამის ხელმძღვანელი დავით სიხარულიძე, რომლებმაც მონაწილეებს საკუთარი აკადემიური და პროფესიული გამოცდილება გაუზიარა და სადოქტორო სწავლების მნიშვნელოვან საკითხებზე ესაუბრა.
ღონისძიების ფარგლებში მონაწილეებს საკუთარი გამოცდილება გაუზიარეს განათლების მეცნიერებების სადოქტორო პროგრამის სტუდენტმა თათია რთველაძემ და პროგრამის კურსდამთავრებულმა, განათლების მეცნიერებების ფაკულტეტის ასისტენტ-პროფესორმა ნათია გეგელაშვილმა. მათ მონაწილეებს სადოქტორო სწავლების პროცესში მიღებული გამოცდილება, კვლევითი საქმიანობის სპეციფიკა და პროფესიული განვითარების შესაძლებლობები გააცნეს.
სამდღიანი პროგრამა აერთიანებდა თეორიულ და მეთოდოლოგიურ ტრენინგებს, რომლებიც ორიენტირებული იყო მონაწილეთა აკადემიური და კვლევითი უნარების განვითარებაზე, ასევე სადოქტორო სწავლების სპეციფიკისა და კვლევითი პროცესის ძირითადი კომპონენტების გააზრებაზე.
სადოქტორო საზაფხულო სკოლის დასასრულს მონაწილეებს სერტიფიკატები გადაეცათ.