ჩინეთის სახალხო რესპუბლიკის მთავრობის სტიპენდიები

• ასაკობრივი ზღვარი – 45 წლამდე;
• მინიმალური აკადემიური ხარისხი – ბაკალავრი;
• სამუშაო გამოცდილება – სულ მცირე 3 წელი.

უპირატესობა ენიჭებათ კანდიდატებს, რომელთა განათლება და პროფესიული გამოცდილება შეესაბამება შერჩეულ სამაგისტრო პროგრამას;

აუცილებელი პირობაა კონკურსანტმა პროგრამის მონაწილე ერთ-ერთი უნივერსიტეტიდან წარმოადგინოს წინასწარი ჩარიცხვის წერილი (Pre-admission Letter) და შემდგომ დარეგისტრირდეს პროგრამის ელექტრონულ პორტალზე: https://studyinchina.csc.edu.cn/#/login

ამასთან, კონკურსანტი უნდა მიეკუთვნებოდეს ქვემოთ ჩამოთვლილი კატეგორიებიდან ერთ-ერთს:

• სახელმწიფო მოხელე (საშუალო და მაღალი რგოლის);
• დაწესებულების ან საწარმოს მაღალი რგოლის მენეჯერი;
• უნივერსიტეტის ან სამეცნიერო-კვლევითი დაწესებულების ადმინისტრაციული პერსონალი;
• საერთაშორისო ორგანიზაციაში მუშაობის გამოცდილების მქონე პირი.

• Scholarship Type: Type A
• Agency Number: 1563
• Program: Youth of Excellence Scheme of China

ელექტრონული განაცხადის წარდგენის საბოლოო ვადაა 2027 წლის 29 მარტი.

კანდიდატთა შერჩევის პროცესი მოიცავს ორ ეტაპს:

პირველადი შეფასება: ჩინეთის სტიპენდიების საბჭო ამოწმებს წარმოდგენილ სააპლიკაციო დოკუმენტაციას და კანდიდატების შესაბამისობას პროგრამის მოთხოვნებთან.

ექსპერტული შეფასება: ექსპერტთა კომისია დამატებით განიხილავს კონკურსანტთა განაცხადებს, რის საფუძველზეც განისაზღვრება პროგრამაში ჩარიცხვის შედეგები.

კონკურსის საბოლოო შედეგები გამოცხადდება ექსპერტული შეფასების დასრულების შემდეგ.

სამაგისტრო პროგრამების სრული ჩამონათვალისა და სასტიპენდიო პროგრამის დეტალური აღწერისთვის იხილეთ დანართი.