მიიღე ERASMUS+ პროგრამის სტიპენდია და ისწავლე სრული დაფინანსებით ლინცის (ავსტრია) უნივერსიტეტში!
აღმოსავლეთ ევროპის უნივერსიტეტი 2015 წლიდან ჩართულია ERASMUS+ პროგრამაში და სტუდენტებს საშუალებას აძლევს, ისწავლონ ევროპის წამყვან უნივერსიტეტებში.
Erasmus+ მობილობის პროგრამის ფარგლებში განხორციელდება:
სტუდენტთა მობილობა – ბაკალავრიატის, მაგისტრატურისა და დოქტორანტურის საფეხურის სტუდენტთა გაცვლა 1 ან 2 სემესტრით კრედიტების დაგროვებით (credit mobility). უცხოეთში გატარებული სასწავლო პერიოდი უნდა შეესაბამებოდეს სტუდენტის სასწავლო პროგრამას გამგზავნ უნივერსიტეტში.
პერსონალის მობილობა
- სწავლების მიზნით: ამ აქტივობის ფარგლებში უნივერსიტეტის აკადემიურ პერსონალს საშუალება ეძლევა ასწავლოს პარტნიორ უმაღლეს საგანმანათლებლო დაწესებულებაში.
- ტრენინგის მიზნით: აღნიშნული აქტივობის მიზანია უნივერსიტეტის თანამშრომელთა პროფესიული განვითარების ხელშეწყობა პარტნიორ უნივერსიტეტში ტრენინგის (კონფერენციების გარდა) ან სამუშაოზე დაკვირვების (job shadowing) შესაძლებლობების შექმნით.
Erasmus+ ფარავს მგზავრობის ხარჯებს და გასცემს სტიპენდიებს!
ყოველთვიური სტიპენდიის ოდენობა სტუდენტებისთვის განსაზღვრულია 850 ევრო, მგზავრობის ხარჯი ანაზღაურება 360 ევრო.
აკადემიურ/ადმინისტრაციულ პერსონალზე ყოველდღიური გრანტის ოდენობა 140 ევრო, მოგზაურობის ხარჯის ანაზღაურება 360 ევრო.
დეტალური ინფორმაცია 2016–17 სასწავლო წლის კონკურსის პირობების შესახებ:
2016–2017 სასწავლო წლის გაზაფხულის სემესტრში ERASMUS+ გაცვლითი პროგრამის (Credit Mobility) ფარგლებში აღმოსავლეთ ევროპის უნივერსიტეტის სტუდენტები შეძლებენ, ერთი სემესტრის განმავლობაში სრულიად უფასოდ ისწავლონ ლინცის (ავსტრია) უნივერსიტეტში!
კონკურსში მონაწილეობა შეუძლიათ EEU–ს განათლების კვლევებისა და ადმინისტრირების სამაგისტრო პროგრამის სტუდენტებს. შერჩეული მაგისტრანტი იღებს ყოველთვიურ სტიპენდიას და სრულად უფინანსდება სწავლის საფასური, მგზავრობისა და საცხოვრებელი ხარჯები.
სტიპენდიატთა შესარჩევი პროცესი:
- დოკუმენტაციის შემოწმება;
- გამოცდა ინგლისურ ენაში ( გამოცდისგან თავისუფლდება მაგისტრანტი, რომელიც წარმოადგენს ინგლისური ენის ცოდნის დამადასტურებელ სერტიფიკატს);
დაინეტრესებულმა პირმა მიმდინარე წლის 31 ოქტომრიდან – 7 ნოემბრის ჩათვლით უნივერსიტეტში უნდა წარმოადგინოს შემდეგი დოკუმენტაცია:
- განცხადება;
- პირადობის დამადასტურებელი მოწმობის ასლი;
- CV;
- ნიშნების ამონაწერი (GPA-ის მითითებით);
- სამოტივაციო წერილი;
- სარეკომენდაციო წერილი;
- ინგლისური ენის ცოდნის დამადასტურებელი დოკუმენტი (ან გამოცდა უცხო ენაში 2016 წლის 9 ნოემბერს);
მისამართი: ქ. თბილისი,შატილის ქ. N4
საკონტაქტო: 577 02 20 02; 032248 01 41