ვიცე-რექტორები

ტექნიკურ მეცნიერებათა დოქტორი;

შალვა მაჭავარიანი არის აღმოსავლეთ ევროპის უნივერსიტეტის ვიცე-რექტორი სამეცნიერო საკითხებში, ბიზნესისა და ინჟინერიის ფაკულტეტის სადისერტაციო საბჭოს თავჯდომარე. მას აქვს მრავალწლიანი პედაგოგიური და პროფესიული საქმიანობის გამოცდილება.  ის სხვადასხვა წლებში იყო ეკონომიკისა და დაგეგმვის სამეცნიერო-კვლევითი ინსტიტუტის საინვესტიციო დეპარტამენტისა და საქართველოს სახელმწიფო კანცელარიის რეფორმის ჯგუფის ხელმძღვანელი; საქართველოს პარლამენტის ეკონომიკური კომისიის უფროს მრჩეველი, მსოფლიო ბანკის პროგრამის „საქართველოში უმაღლესი განათლების რეფორმის – ’’ო’’ კომპონენტის ხელმძღვანელი; ამერიკული უნივერსიტეტისა და ჯორჯ მესონის უნივერსიტეტის პროგრამის „საქართველოში ეკონომიკური დანაშაულისა და ფულის გათეთრების პროგრამის“ თანახელმძღვანელი, სამეცნიერო დარგში პრორექტორი თბილისის საგარეო ეკონომიკურ ურთიერთობათა ინსტიტუტში და  კავკასიის უნივერსიტეტში.

შალვა მაჭავარიანს აქვს სამეცნიერო-კვლევითი საქმიანობის მრავალწლიანი გამოცდილება. არის 15 საერთაშორისო სამეცნიერო პროექტის მონაწილე და 6 საერთაშორისო სამეცნიერო პროექტის ხელმძღვანელი. 20-მდე სამეცნიერო შრომების კრებულის სამეცნიერო რედაქტორი. საქართველოში აშშ-ს საელჩოს მიერ დაფინანსებული 4 გლობალური გამოცემის ქართული თარგმანის პროექტის ხელმძღვანელი და სამეცნიერო რედაქტორი, 64  სამეცნიერო პუბლიკაციის და  2 გამოგონების (პატენტი) ავტორი.  არაერთი საერთაშორისო და ადგილობრივი სამეცნიერო კონფერენციის, სემინარის, ვორკშოპის ორგანიზატორი და მოდერატორი. დაჯილდოებულია  ღირსების საპატიო ორდენით.

ფილოლოგიის დოქტორი;
ვიცე-რექტორი სასწავლო პროცესის ადმინისტრირების საკითხში

რუსუდან ჩიქოვანი არის აღმოსავლეთ ევროპის უნივერსიტეტის ვიცე-რექტორი სასწავლო პროცესის ადმინისტრირების საკითხებში, წარმომადგენლობითი საბჭოს წევრი. მას გააჩნია პროფესიული და საგანმანათლებლო სფეროში საქმიანობის მრავალწლიანი გამოცდილება. სხვადსხვა წლებში იყო აღმოსავლეთ ევროპის უნივერსიტეტის სასწავლო პროცესის მართვის სამსახურის უფროსი, ივ. ჯავახიშვილის სახელობის თბილისის სახელმწიფო უნივერსიტეტში სასწავლო დეპარტამენტის უფროსი, უფროსი სპეციალისტი. მას აქვს მრავალწლიანი პედაგოგიური გამოცდილება.

რუსუდან ჩიქოვანი აქტიურად ეწევა კვლევით საქმიანობას.  არის ოთხი სამეცნიერო პუბლიკაციის ავტორი, საკონფერენციო კრებულის ,,საქართველოს ევროინტეგრაციის პერსპექტივები” და აღმოსავლეთ ევროპის უნივერსიტეტის სამეცნიერო ჟურნალის ,,სამეცნიერო შრომების კრებულის” სარედაქციო კოლეგიის წევრი. არაერთი სამეცნიერო კონფერენციის, ვორკშოპის და სემინარის საორგანიზაციო კომიტეტის წევრი და მონაწილე.

ვიცე-რექტორი,
ფინანსებისა და ინფორმაციული ტექნოლოგიების მართვის საკითხებში

ვლადიმერ თუხარელი არის აღმოსავლეთ ევროპის უნივერსიტეტის ვიცე-რექტორი ფინანსებისა და ინფორმაციული ტექნოლოგიების მართვის საკითხებში. მას გააჩნია მრავალწლიანი პროფესიული საქმიანობის გამოცდილება. ამჟამად არის  შპს „ისეკო“-ს და შპს ,,ბევრილი ჯგუფის“ ფინანსური მრჩეველი. გასულ წლებში იკავებდა ფინანსური დირექტორის თანამდებობას სხვადასხვა კომპანიაში, მათ შორის შპს ,,ჯორჯიან ეარვეისი“ და ”PA კონსალტინგი”. იყო შპს ,,უნარების განვითარების და შეფასების ცენტრის“ დირექტორი, ქ. თბილისის მერიაში სსიპ ,,ტექნოლოგიური განვითარების ფონდის’’ და სსიპ ,,გუდაურის განვითარების ფონდის“ დირექტორის მოადგილე, ასევე ,,უძრავი ქონების განვითარების ფონდის’’ დირექტორი. სხვადასხვა წლებში იკავებდა წამყვან პოზიციებს საქართველოს ფინანსთა სამინისტროს შემოსავლების სამსახურში.