ეკატერინე ბენიაშვილი (ასისტენტ-პროფესორი)

მიმართულება: განათლება

ეკატერინე ბენიაშვილი არის აღმოსავლეთ ევროპის უნივერსიტეტის განათლების მეცნიერებების ფაკულტეტის ასისტენტ-პროფესორი, განათლების დეპარტამენტის უფროსის მოადგილე, აკადემიური უნარების განვითარების ცენტრის მენტორი და ჯანდაცვის მიმართულებით საგანმანათლებლო პროგრამების კოორდინატორი. ასევე, იგი გახლავთ შიდა ქართლში მოქმედი არასამთავრობო ორგანიზაცია „საზოგადოება ბილიკის“ გამგეობის წევრი.

ეკატერინე ბენიაშვილი ფლობს აღმოსავლეთ ევროპის უნივერსიტეტის განათლების მეცნიერებების მაგისტრის ხარისხს. სამაგისტრო პროგრამაზე სწავლის პერიოდში მოიპოვა Erasmus+ Credit Mobility-ის სასწავლო გრანტი და გაცვლითი პროგრამის ფარგლებში სწავლობდა ზემო ავსტრიის განათლების უნივერსიტეტში.

ასისტენტ-პროფესორად არჩევამდე იგი საქმიანობდა მოწვეული ლექტორის პოზიციაზე როგორც განათლების მეცნიერებების, ისე ჯანდაცვის მეცნიერებათა ფაკულტეტებზე. აქვს სხვადასხვა ადგილობრივ და საერთაშორისო ორგანიზაციებში ბავშვებთან და ახალგაზრდებთან მუშაობის, საგანმანათლებლო პროექტების დაგეგმვისა და ადმინისტრირების მრავალწლიანი გამოცდილება.

მისი პროფესიული ინტერესები მოიცავს განათლების თანამედროვე მიდგომებს, ინტერკულტურულ სწავლებას, აკადემიური უნარების განვითარებას, ახალგაზრდებთან მუშაობასა და ბავშვთა დაცვის საკითხებს. სხვადასხვა პერიოდში მონაწილეობდა საერთაშორისო საგანმანათლებლო პროგრამებსა და ტრენინგებში, როგორც საქართველოში, ასევე მის ფარგლებს გარეთ.

პროფესიული საქმიანობის ფარგლებში იგი აქტიურად მუშაობდა ბავშვთა უფლებების, ბავშვთა დაცვისა და ძალადობის პრევენციის საკითხებზე, ჩართული იყო ამ მიმართულებით კვლევებსა და საგანმანათლებლო პროექტებში.