სამედიცინო მომსახურებისა და ფსიქოლოგიური მხარდაჭერის სერვისები

აღმოსავლეთ ევროპის უნივერსიტეტი უზრუნველყოფს უნივერსიტეტის სტუდენტებისა და პერსონალისთვის პირველადი სამედიცინო დახმარებისა და ჯანმრთელობასთან დაკავშირებული კონსულტაციების გაწევას. კონსულტაციის მისაღებად შეგიძლიათ მიმართოთ EEU-ს ექიმს (მისამართი: აღმოსავლეთ ევროპის უნივერსიტეტის C ბლოკი, სართული 1,  ექიმის კაბინეტი N11)

ექიმის კაბინეტი ემსახურება სტუდენტებს, აკადემიურ და ადმინისტრაციულ პერსონალს და უზრუნველყოფს პირველადი სამედიცინო დახმარების გაწევას, ჯანმრთელობის მდგომარეობის საწყის შეფასებას, მცირე ჯანმრთელობის პრობლემებთან დაკავშირებულ კონსულტაციასა და საჭიროების შემთხვევაში შესაბამის სამედიცინო დაწესებულებებში მიმართვის რეკომენდაციას. სერვისის მიზანია უნივერსიტეტის საზოგადოებისთვის უსაფრთხო, ჯანმრთელობაზე ორიენტირებული და მხარდამჭერი გარემოს უზრუნველყოფა.

აღმოსავლეთ ევროპის უნივერსიტეტის სტუდენტებს შესაძლებლობა აქვთ ისარგებლონ უფასო სამედიცინო დაზღვევის სერვისით ,,მედისონის’’ კლინიკებში. დეტალური ინფორმაცია იხ. ბმულზე

აღმოსავლეთ ევროპის უნივერსიტეტში სტუდენტთა ფსიქოლოგიური მხარდაჭერის სისტემა მოიცავს უფასო ფსიქოლოგიურ კონსულტაციებს, კეთილდღეობის მიმართულებით მოქმედ სტუდენტურ კლუბებსა და სხვადასხვა საგანმანათლებლო აქტივობას (პოდკასტები, ვიდეოტუტორიალები, ვორქშოპები), რომლებიც მიმართულია სტუდენტების ფიზიკური, მენტალური და სოციალური კეთილდღეობის მხარდაჭერისკენ.

1. EEU სტუდენტებს სთავაზობს უფასო ფსიქოლოგიურ მომსახურებას/კონსულტაციას. 

ფსიქოლოგიური მხარდაჭერის სერვისი სტუდენტებს ეხმარება სხვადასხვა საკითხთან დაკავშირებულ კონსულტაციებში, მათ შორის:

• აკადემიური სტრესისა და შფოთვის მართვა;

• ადაპტაცია საუნივერსიტეტო გარემოსთან;

• პიროვნული და სოციალური ურთიერთობების გაუმჯობესება;

• მოტივაციისა და თვითეფექტიანობის გაძლიერება;

• რთულ ცხოვრებისეულ სიტუაციებთან გამკლავება.

კონსულტაციები ტარდება კონფიდენციალურად და მიმართულია სტუდენტებისთვის უსაფრთხო და მხარდამჭერი გარემოს შექმნაზე. საჭიროების შემთხვევაში სტუდენტებს მიეწოდებათ რეკომენდაციები დამატებითი ფსიქოლოგიური ან პროფესიული მხარდაჭერის მისაღებად.

სტუდენტებს მომსახურებას უწევენ EEU-ს ფსიქოლოგიისა და ნეირომეცნიერებების კვლევითი ცენტრის “ლაბორატორია Z”- ის სპეციალისტები; მისამართი: EEU-ს C ბლოკი, სართული 2, ოთახი 24

2. ფიზიკური, მენტალური და სოციალური კეთილდღეობის  სამეცნიერო კვლევითი ცენტრი

აღმოსავლეთ ევროპის უნივერსიტეტში შექმნილია ,,ფიზიკური, მენტალური და სოციალური კეთილდღეობის  სამეცნიერო კვლევითი ცენტრი” (იხ. ბმულზე: https://eeu.edu.ge/portfolio/wellbeing-centre/), რომელიც საკუთარი მიზნებიდან გამომდინარე ატარებს სხვადასხვა აქტივობებს (ვორქშოპები, დიალოგი, საჯარო ლექციები და ა.შ.) სტუდენტთა და პერსონალის  კეთილდღეობის ხელშეწყობისთვის.

3. კეთილდღეობის სტუდენტური კლუბი

EEU-ში შექმნილია ,,კეთილდღეობის სტუდენტური კლუბი”, რომლის მიზანია აღმოსავლეთ ევროპის უნივერსიტეტში ფიზიკური, მენტალური და სოციალური კეთილდღეობის ხელშეწყობა სტუდენტების აქტიური ჩართულობის გზით. კლუბი ისწრაფვის სტუდენტთა კეთილდღეობის მხარდამჭერი ინიციატივებისა და პედაგოგიური ინოვაციების პოპულარიზაციისკენ, ასევე ფიზიკური და მენტალური ჯანმრთელობის მნიშვნელობის შესახებ ცნობიერების ამაღლებისკენ (კლუბში გაწევრიანებისთვის გადადით ბმულზე: https://eeu.edu.ge/portfolio/wellbeing/)

4. EEU-ში პოდკასტებისა და ვიდეოტუტორიალების ახალი სერია სტუდენტთა ფიზიკური და მენტალური კეთილდღეობის შესახებ

აღმოსავლეთ ევროპის უნივერსიტეტში 2025 წლიდან დაიწყო საგანმანათლებლო პოდკასტებისა და ვიდეოტუტორიალების სერია, რომელიც მიზნად ისახავს სტუდენტებისა და უნივერსიტეტის საზოგადოების ინფორმირებას აქტუალურ საკითხებზე და მათი კეთილდღეობის მხარდაჭერას.

პროექტის ერთ-ერთი მნიშვნელოვანი მიმართულებაა ფიზიკური და მენტალური კეთილდღეობის სერია, რომლის ფარგლებშიც მოწვეული არიან სხვადასხვა სფეროს პროფესიონალები – ექიმები, ფსიქოლოგები და სხვა სპეციალისტები. ისინი სტუდენტებთან ერთად განიხილავენ ისეთ მნიშვნელოვან თემებს, როგორიცაა:

• პირადი ცხოვრებისა და აკადემიური/პროფესიული საქმიანობის ბალანსი;

• ფიზიკური ჯანმრთელობის მნიშვნელობა და ჯანსაღი ცხოვრების წესის ჩამოყალიბება;

• ფსიქიკური ჯანმრთელობის დაცვა და ემოციური კეთილდღეობა;

• სტრესისა და შფოთვის მართვა, განსაკუთრებით გამოცდების პერიოდში;

• სწავლის პროცესში კონცენტრაციისა და მოტივაციის შენარჩუნება;

• დროის მართვა და პროდუქტიულობის გაზრდა;

• გადატვირთვისა და  გადაწვის (burnout) პრევენცია;

• ეფექტური სწავლების და დასვენების ბალანსი.

აღნიშნული ინიციატივა მიზნად ისახავს სტუდენტებისთვის სანდო და პრაქტიკული ინფორმაციის ხელმისაწვდომობის გაზრდას, მათი ფსიქოლოგიური და ფიზიკური კეთილდღეობის მხარდაჭერას და უნივერსიტეტში ჯანსაღი, მხარდამჭერი და განვითარებაზე ორიენტირებული გარემოს შექმნას.