საუნივერსიტეტო გრანტები

საგრანტო კვლევითი პროექტი ხორციელდება აღმოსავლეთ ევროპის უნივერსიტეტის შიდა საგრანტო დაფინანსებით.

პროექტის ხელმძღვანელია  პროფესორი თამარ ვარაზი.

პროექტში მონაწილეობს მკვლევართა ჯგუფი შემდეგი შემადგენლობით:

• ელენე ზურაბიშვილი;
• ვახტანგ თებიძე;
• ნიკიტა გაური (სტუდენტი);
• ჰუსამუდ დინ შარიფ (სტუდენტი);

კვლევის მიზანია შეიქმნას ადამიანის მძიმე მეტალებით ინტოქსიკაციის და ონკოლოგიური დაავადებების მონაცემთა ბაზა, რომელიც უშუალოდ არის დაკავშირებული გარემოს ქიმიურ დაბინძურებასთან ცანას და ურავის ტერიტორიებზე.

პროექტის ფარგლებში სამიზნე დამბინძურებელს წარმოადგენენ საქართველოს სინამდვილეში მეტად აქტუალური და პრობლემური მძიმე მეტალი – დარიშხანი. ეს მეტალი და მისი ნაერთები გარემოს ანთროპოგენული დაბინძურების თვალსაზრისით და მათი კანცეროგენული მოქმედებით განსაკუთრებულ ყურადღებას იმსახურებს.

საგრანტო კვლევითი პროექტი დაფინანსდა 25, 000 ლარით.

პროექტის ხანგრძლივობა – ერთი წელი.

საგრანტო კვლევითი პროექტი ხორციელდება აღმოსავლეთ ევროპის უნივერსიტეტის შიდა საგრანტო დაფინანსებით.

პროექტის ხელმძღვანელია პროფესორი კახაბერ ლაზარაშვილი.

პროექტში მონაწილეობს მკვლევართა ჯგუფი შემდეგი შემადგენლობით:

• პროფესორი ნატო ალავიძე;
• ასისტენტ პროფესორი ქეთევან აფთარაშვილი;
• სანი რიტენმანი (სტუდენტი);
• რეკჰა ბასკარი (სტუდენტი);

კვლევის ძირითადი მიზანია აკადემიური პერსონალის (ლექტორებისა) და პრაქტიკოსთა (უნივერსიტეტის მენეჯმენტი, ხარისხის უზრუნველყოფის ოფიცრები, მედიკოსები)  არსებული ცოდნის და შეხედულებების გათვალისწინებით ქართულ უმაღლეს სასწავლებლებში RSE დანერგვა როგორც სასწავლო კურსი.

საველე სამუშაოების დაწყებამდე მოხდება ლიტერატურის დეტალური მიმოხილვა, რომელიც დაეყრდნობა მოკლე მიმოხილვას და კრიტიკულად შეისწავლის საქართველოში ურთიერთობებისა და სექსუალური ჯანმრთელობის შესახებ არსებულ ცოდნას და შეხედულებებს. ლიტერატურის მიმოხილვა მოიცავს სხვადასხვა დაინტერესებული მხარეების მოსაზრებებს და შეხედულებებს RSE– ს მიმართ საქართველოში და სხვა ქვეყნების უმაღლეს განათლებაში.

საგრანტო კვლევითი პროექტი დაფინანსდა 20, 000 ლარით.

პროექტის ხანგრძლივობა – ერთი წელი.

საგრანტო კვლევითი პროექტი ხორციელდება აღმოსავლეთ ევროპის უნივერსიტეტის შიდა საგრანტო დაფინანსებით.

 

პროექტის ხელმძღვანელია პროფესორი ლილი ბიბილაშვილი.

პროექტში მონაწილეობენ მკვლევართა ჯგუფი შემდეგი შემადგენლობით:

 

• თამთა კოდელაშვილი (სტუდენტი);
• ანა კოპაძე (სტუდენტი);

 

კვლევის მიზანია უახლესი დროის მოთხოვნების გათვალისწინებით იმ საბაზო კომპეტენციების ფორმულირება, რომლებიც მომავლის პროფესიებისთვის აუცილებელ საფუძველს წარმოადგენენ; საქართველოს უმაღლესი სასწავლებლების (უნივერისიტეტების სტუდენებისა და კურსდამთავრებულთა) არსებული და მომავალი პროფესიებისთვის საჭირო კომპეტნეციების „ნუსხის“ შემუშავება; ცოდნის ეკონომიკის ცვლილებებით გამოწვეული შედეგებისა და მომავლის პროფესიებისათვის საჭირო კომპეტენციებით გამოწვეული ცვლილებების  გათვალისწინებით რეკომენდაციების პაკეტის შედგენა უმაღლეს სასაწავლებლებში სწავლების მეთოდიკისა და მეთოდოლოგიებისათვის.

საგრანტო კვლევითი პროექტი დაფინანსდა 20, 000 ლარით.

პროექტის ხანგრძლივობა – ერთი წელი.

საგრანტო კვლევითი პროექტი ხორციელდება აღმოსავლეთ ევროპის უნივერსიტეტის შიდა საგრანტო დაფინანსებით.

პროექტის ხელმძღვანელია პროფესორი გიორგი გიორგაძე.

პროექტში მონაწილეობენ მკვლევართა ჯგუფი შემდეგი შემადგენლობით:

• ასოცირებული პროფესორი ბელა თინიკაშილი;
• ლუკა ბერიძე (სტუდენტი);
• ვლადიმერ გელაშვილი (სტუდენტი).

პროექტი ეხება მდინარე მტკვრის, როგორც უმნიშვნელოვანესი ქალაქ წარმომქნელი ფაქტორის გავლენას თბილისის ისტორიული განაშენიანების აღდგენა-განვითარებაზე.

ქალაქის ისტორიული უბნები ვიზიტორთა მიზიდულობის ყველაზე ძლიერ არეალს შეადგენენ და ტურისტული ინფრასტრუქტურის პოტენციალის მაპროფილებელ სივრცეებად გვევლინებიან. თბილისის ურბანული ქსოვილი საუკუნეების განმავლობაში ყალიბდებოდა მდინარე მტკვრის ხეობის გასწვრივ; ამ ხეობის მთელს გაყოლებაზე, მდინარის ორივე ნაპირზე თავმოყრილია თბილისის ისტორიულ-კულტურული და ხუროთმოძღვრული ძეგლების უდიდესი ნაწილი. მტრის ურიცხვი შემოსევების და ბუნებრივ-კლიმატური მოვლენების  ზემოქმედების შედეგად განადგურდა ქალაქის მრავალი ისტორიული უბანი, ლანდშაფტური ზონა, შენობა-ნაგებობა; კულტურული მემკვიდრეობის ნაწილი, რომელიც ამ მოვლენებს გადაურჩა, დაუფიქრებელ ქალაქგეგმარებით ცვლილებებს თანამედროვე ეპოქაში ემსხვერპლა, რის შედეგადაც ქალაქის ისტორიული განაშენიანების ნაწილი მტკვარმა დაფარა. განსაკუთრებული ზიანი მიადგა მდინარის  სანაპიროებს მეტეხის ხიდთან, აბანოთუბანთან, ორთაჭალის ბაღების არეალში და სხვ. პერიოდულად, წყლის დონის დაწევის დროს მდინარის კალაპოტში ხილული ხდება ქალაქის ამ უბნების ისტორიის ფრაგმენტები – კედლების წყობა, შენობების საძირკვლები და სხვ.

საგრანტო პროექტის მულტიმედიური კვლევის მიზანს წარმოადგენს მდინარე მტკვრის სივრცის შესწავლა თბილისის ისტორიული განაშენიანების ფარგლებში ხელსაყრელი არეალების გამოვლენით საქალაქო ტურისტურლი ინფრასტურქტურის განვითარებისთვის.

საგრანტო კვლევითი პროექტი დაფინანსდა 20 000 ლარით.

პროექტის ხანგრძლივობაა ერთი წელი.

პროექტის ხელმძღვანელი:

ბასკარ რეკჰა (ჯანდაცვის მეცნიერებათა ფაკულტეტის სტუდენტი),

პროექტის დასახელება:

The impact of COVID-19 pandemic on the cognitive functions of the international Medical Students

საგრანტო კვლევითი პროექტი ხორციელდება აღმოსავლეთ ევროპის უნივერსიტეტის შიდა საგრანტო დაფინანსებით.

პროექტის სამეცნიერო ხელმძღვანელები, ასოცირებული პროფესორები ქეთევან აფთარაშვილი, დავით სიხარულიძე

პროექტის ხელმძღვანელი: თამარ თხელიძე (განათლების კვლევებისა და ადმინისტრირების სამაგისტრო პროგრამის სტუდენტი)

 

საგრანტო კვლევითი პროექტი დაფინანსდა 3650 ლარით.

პროექტის ხანგრძლივობაა ერთი წელი.