აღმოსავლეთ ევროპის უნივერსიტეტსა და ტორუნის ნიკოლაუს კოპერნიკის უნივერსიტეტს (პოლონეთი) შორის ურთიერთთანამშრომლობის მემორანდუმი გაფორმდა. მემორანდუმს ხელი აღმოსავლეთ ევროპის უნივერსიტეტის რექტორმა, დავით ჩერქეზიშვილმა და კოპერნიკის უნივერსიტეტის რექტორმა, ანდრეი სოკალამ მოაწერეს.
მემორანდუმი ითვალისწინებს უნივერსიტეტებს შორის კვლევითი და სასწავლო მიმართულებებით თანამშრომლობის გაძლიერებას. მემორანდუმის ფარგლებში, მხარეებს შესაძლებლობა ეძლევათ, განახორციელონ ერთობლივი სამეცნიერო კვლევები, ერთმანეთს გაუზიარონ ცოდნა და აკადემიური გამოცდილება, დაგეგმონ საგანმანათლებლო აქტივობები და ხელი შეუწყონ აკადემიური პერსონალისა და სტუდენტების მობილობას.
ტორუნის ნიკოლაუს კოპერნიკის უნივერსიტეტი პოლონეთის ერთ-ერთი უდიდესი უნივერსიტეტია, რომელიც ამჟამად მოიცავს 16 ფაკულტეტს და უზრუნველყოფს სამაგისტრო და სადოქტორო პროგრამებს თითქმის 21 500 სტუდენტისთვის. სასწავლო კურსების არეალი ფარავს 100–ზე მეტ მიმართულებას და 55 სადოქტორო კურსს. უნივერსიტეტის კურსდამთავრებულების რაოდენობა დაახლოებით 200 000-ს უტოლდება.
უნივერსიტეტს პოლონეთის განათლების სამინისტროს მხრიდან მინიჭებული გამორჩეული სამეცნიერო-კვლევითი უნივერსიტეტის სტატუსი.
დამატებითი ინფორმაციისათვის იხილეთ ბმული: https://www.umk.pl/en/university/university/.