“EEULab რჩევები” არის აღმოსავლეთ ევროპის უნივერსიტეტის ახალი პროექტი, “HR ლაბორატორიასთან” და “არეასთან” პარტნიორობით. HR ლაბორატორია ადამიანის რესურსების ეროვნული ასოციაციის (არეა) ახალგაზრდული კვლევითი გაერთიანებაა, რომლის მიზანიც ქართულ HR სივრცეში ემპირიულ კვლევაზე დაფუძნებული მიდგომის დანერგვა და ხელშეწყობა გახლავთ.

ეს რჩევები, განსაკუთრებით, მათ გამოადგებათ, ვინც ვიდეო რეზიუმეს მომზადებას გეგმავს, იმისთვის, რომ პოტენციურ დამსაქმებელს თავი შთამბეჭდავად წარუდგიოს. ამ თემაზე ამომწურავად გვანცა კვანტალიანმა და ეკატერინე ფურცელაძემ ისაუბრებს.

ეკატერინე ფურცელაძეს, საჯარო სექტორის ადამიანური რესურსების მართვის სფეროში საქმიანობის 17 წლიანი გამოცდილება აქვს HR ადმინისტრირების, რეკრუტინგისა და განვითარების მიმართულებით. ის ამჟამად, აღმოსავლეთ ევროპის უნივერსიტეტის ადამიანური რესურსების მართვის სამაგისტრო პროგრამის სტუდენტი გახლავთ. მას გამოცდილება აქვს ადამიანური რესურსების მართვის ელექტრონული პროგრამის და HR სახელმძღვანელოების, ინსტრუქციების, წესებისა და პოლიტიკის დოკუმენტების შექმნაში. ის არის ჰუმანიტარულ მეცნიერებათა მაგისტრი და სამართალმცოდნეობის სპეციალისტი. ეკატერინე საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ადამიანური რესურსების მართვაზე პასუხისმგებელი სტრუქტურული ერთეულების, ასევე გენდერზე პასუხისმგებელი პირი გახლავთ.

“EEULab რჩევების” სტუმარია, ასევე გამოცდილი და კვალიფიციური კადრი ადამიანური რესურსების მართვის სფეროში გვანცა კვანტალიანი. ის აღმოსავლეთ ევროპის უნივერსიტეტის ადამიანური რესურსების მართვის სამაგისტრო პროგრამის სტუდენტია და ამავდროულად, მუშაობს საქართველოს სახალხო დამცველის აპარატის სამართლებრივი უზრუნველყოფისა და ადამიანური რესურსების მართვის დეპარტამენტში. გვანცა სახალხო დამცველის აპარატში 2012 წელს დასაქმდა, იქამდე კი, საგარეო საქმეთა სამინისტროში გაიარა სტაჟირება. ის საერთაშორისო ურთიერთობების ბაკალავრი და საერთაშორისო ურთიერთობების მაგისტრი გახლავთ.