აღმოსავლეთ ევროპის უნივერსიტეტის სტუდენტები თბილისის სააპელაციო სასამართლოში იურიდიულ კლინიკას,სტაჟირებასა და პრაქტიკას გაივლიან,ასევე იმიტირებულ სასამართლო პროცესებს გამართავენ. შეთანხმების შესახებ, ურთიერთთანამშრომლობის მემორანდუმს ხელი აღმოსავლეთ ევროპის უნივერსიტეტის რექტორმა დავით ჩერქეზიშვილმა და თბილისის სააპელაციო სასამართლოს მენეჯერმა გიორგი კოპალიანმა მოაწერეს.
მემორანდუმის ფარგლებში, რომლის მიზანი პროფესიული განათლების ხელშეწყობა და სტუდენტთა პრაქტიკული ცოდინის ამაღლებაა, აღმოსავლეთ ევროპის უნივერსიტეტის სტუდენტებისთვის იმიტირებული პროცესების ჩასატარებლად სააპელაციო სასამართლო მატერიალურ–ტექნიკურ ბაზას და სხდომის დარბაზებს გამოყოფს.პროექტში ჩართული სტუდენტებისთვის გაიმართება საჯარო ლექციები, სემინარები და ტრენინგები.
შრომისა და დასაქმების თანამედროვე ბაზრის მოთხოვნებიდან გამომდინარე, აღმოსავლეთ ევროპის უნივერსიტეტი მომავლშიც აქტიურად გააგრძელებს თანამშრომლობას საჯარო და კერძო სექტორთან სტუდენტთა გადამზადების მიზნით.