საქართველოს ინოვაციების და ტექნოლოგიების სააგენტოს ინიციატივით, 2025 წლის 18-23 აგვისტოს, ბაკურიანში გაიმართება სტუდენტური ბანაკი „ხელოვნური ინტელექტი“, რომლის მიზანია ახალგაზრდებისთვის თანამედროვე ტექნოლოგიების და ინოვაციური განვითარების შესაძლებლობებზე ხელმისაწვდომობის გაზრდა.
ბანაკში მონაწილეობის მიღება შეუძლიათ საქართველოს უმაღლესი საგანმანათლებლო დაწესებულებების 1-4 კურსის სტუდენტებს შემდეგი მიმართულებებით:
- კომპიუტერული მეცნიერებები, ტექნოლოგიები და მასთან დაკავშირებული მიმართულებები;
- ეკონომიკა, ბიზნეს ადმინისტრირება, ბიზნეს მენეჯმენტი, ფინანსები და მასთან დაკავშირებული მიმართულებები.
50 მონაწილეს შესაძლებლობა ექნება გაეცნოს ინოვაციებისა და ტექნოლოგიების შესახებ საერთაშორისო ტენდენციებს. სტუდენტებს ასევე ეძლევათ შესაძლებლობა განავითარონ “ანტერპრენერული” უნარები, ჩაერთონ ტრენინგებსა და ვორკშოპებში პროგრამირების, ხელოვნური ინტელექტის და სხვა დეფიციტური მიმართულებებით, რაც მათ პროფესიის არჩევისას ცოდნასა და გამოცდილებაზე დაფუძნებული გადაწყვეტილების მიღებაში დაეხმარება. აღნიშნული ინიციატივა ემსახურება სტუდენტების პროფესიული ორიენტაციის მხარდაჭერას და მათთვის მომავალი კარიერის დაგეგმვის ხელშეწყობას, ცოდნაზე და გამოცდილებაზე დაფუძნებული გადაწყვეტილებების მიღების გზით.
ბანაკის ადგილმდებარეობა: ბაკურიანი
რეგისტრაციის ბოლო ვადა: 2025 წლის 20 ივლისი
რეგისტრაციისთვის ეწვიეთ ბმულს: https://apps.mygita.ge/zs/b9D5VO