ტრენინგების ციკლი: ,,მრავალფუნქციური ანატომიური ინტერაქციული მაგიდის გამოყენების ტექნიკები’’

აღმოსავლეთ ევროპის უნივერსიტეტის ანატომიის კაბინეტში (109) ანატომიის, ჰისტოლოგიის, პათოლოგიისა და რადიოლოგიის სასწავლო კურსების აკადემიური და მოწვეული პერსონალისთვის გაიმართა ტრენინგების ციკლი: ,,მრავალფუნქციური ანატომიური ინტერაქციული მაგიდის გამოყენების ტექნიკები’’,

ტრენინგის მიზანს შესაბამისი სასწავლო კურსების ფარგლებში ,,ინტერაქციული ანატომიური მაგიდის“ სასწავლო პროცესში დანერგვა წარმოადგენდა.

,,ინტერაქციული ანატომიური მაგიდა“  საშუალებას იძლევა ადამიანის სხეულის რეალურ ზომებში, 3D ფორმატით მოხდეს ორგანიზმის 11 სისტემის სწავლება და ამავე დროს უწყვეტი შიდა-ინტერნეტით დაუკავშირდეს აუდიტორიებში არსებულ სენსორულ დაფებს და ერთდროულად ჩატარდეს აუდიტორიებში ლექციები სხვადასხვა მიმართულებით.

ტრენინგის ფარგლებში განიხილეს შემდეგი საკითხები:

• ანატომიური მაგიდის ფუნქციონალი, მისი ათვისება და პრაქტიკაში გამოყენება;
• სასწავლო პროცესში ინტეგრაციის შესაძლებლობები, გამოწვევები და სპეციფიკა.

ტრენერი: ელენე ზურაბიშვილი – ასისტენტ-პროფესორი, ჯანდაცვის მეცნიერებათა ფაკულტეტის დეკანის მოადგილე (EEU)  .

ტრენინგის ციკლის ფარგლებში ანატომიური ინტერაქციული მაგიდის მწარმოებელი კომპანიის (ტაივანი, Taiwan Main Orthopaedic Biotechnology Co., Ltd) მიერ ჩატარდა ტრენინგები უნივერსიტეტის ტრენერთა გადამზადების მიზნით.

ტრენინგი განხორციელდა სამ ეტაპად:

1) ანატომიური მაგიდის ფუნქციონალის გაცნობა – software/hardware, მისი მოვლის სპეციფიკა და სასწავლო პროცესში ინტეგრაცია;

2) ანატომიური ინტერაქციული მაგიდის ანატომიის სექციის ათვისება და პრაქტიკაში გამოყენება,

3) ანატომიური ინტერაქციული მაგიდის ჰისტოლოგია/პათოლოგიისა და რადიოლოგიის სექციების ათვისება და პრაქტიკაში გამოყენება.

,,მრავალფუნქციური ანატომიური ინტერაქციული მაგიდის’’ გამოყენების ტექნიკების შესახებ ტრენინგები კვლავაც გაგრძელდება და ყოველ სასწავლო წელს გაიმართება პერიოდულად.