ცხადდება სტატიების მიღება ბიალისტოკის უნივერსიტეტის სამეცნიერო სტატიების ჟურნალში ,,სამართალი და ეთიკა ტექნოლოგიური პროგრესის პირობებში’’ გამოსაქვეყნებლად!
“ELFA” – ს წევრობის ფარგლებში, უნივერსიტეტის იურიდიული ფაკულტეტი გთავაზობთ სამეცნიერო სტატიების გაგზავნისა და გამოქვეყნების შესაძლებლობას ბიალისტოკის იურიდიული კვლევების ჟურნალის კვარტალურ გამოცემაში (ინდექსირებულია ERIH +, ANVUR, CEJSF, CEOL, SSRN, EZB), სახელწოდებით “სამართალი და ეთიკა ტექნოლოგიური პროგრესის პირობებში.
წარმოდგენილი სტატიების კვლევითი კომპონენტი შეიძლება მოიცავდეს ტექნოლოგიური და ბიოტექნოლოგიური პროგრესის ფილოსოფიური და სამართლებრივი, ასევე, ეთიკური შედეგების შეფასებით კვლევას, კერძოდ: თეორიული და კონცეპტუალური კვლევები, თანამედროვე გამოწვევები, თეორიული და დოგმატიკური, ასევე სოციალური ასპექტები.
ხსენებული კომპლექსური მიდგომა საშუალებას იძლევა გამოყენებულ იქნას სხვადასხვა კვლევითი ასპექტები. ამასთან, კვლევითი მიმართულების სავარაუდო თემატური მოცულობიდან გამომდინარე, წარმოდგენილი ტექსტები უნდა მოერგოს იურიდიულ მეცნიერებათა კვლევის პერსპექტივას.
სტატიების წარდგენა შესაძლებელია პოლონურ და ინგლისურ ენებზე.
სარედაქციო მოთხოვნების შესახებ დეტალური ინფორმაცია შეგიძლიათ იხილოთ შემდეგ ვებ – გვერდზე: www.bsp.uwb.edu.pl
ნაშრომის წარდგენის ბოლო ვადა: 2021 წლის 31 მაისი
წარდგენილი სტატიები უნდა გაიგზავნოს ქ-ბ ელზბიეტა კუზელევსთან: ekuzelewska@gmail.com