ევროპის კოლეჯი აცხადებს სასტიპენდიო სამაგისტრო პროგრამებზე მიღებას 2023-2024 სასწავლო წლისთვის აღმოსავლეთ ევროპის ქვეყნების სტუდენტებისათვის.
ევროპის კოლეჯი დაარსდა 1949 წელს ბელგიაში, ბრიუგეში. 1992 წლიდან კოლეჯი ფუნქციონირებს ორ კამპუსში ორ მასპინძელ ქვეყანაში, ბრიუგეში (ბელგია) და ნატოლინში (პოლონეთი).
განაცხადის შეტანა შესაძლებელია რამდენიმე სამაგისტრო პროგრამაზე ევროპის ეკონომიკური კვლევების, ევროპული სამართლის, ევროპული პოლიტიკური და მმართველობის კვლევების, ან ევროკავშირის საერთაშორისო ურთიერთობებისა და დიპლომატიური კვლევების მიმართულებებით.
რეგისტრაციის ბოლო ვადაა 2023 წლის 18 იანვარი.
აღნიშნული სტიპენდია ფარავს აკადემიურ, ბინადრობის, კვებისა და მგზავრობის ხარჯებს.
რეგისტრაცია:
დაინტერესებულმა პირებმა, რომლებსაც სურთ ევროპის კოლეჯში სამაგისტრო პროგრამებზე სწავლა, უნდა შეავსონ ონლაინ განაცხადი.
ონლაინ განაცხადის ფორმის შევსებამდე გთხოვთ, წაიკითხოთ განაცხადის ინსტრუქციები.
რეგისტრაციისათვის გადადით მითითებულ მისამართზე: https://admissions.coleurope.eu/login
დამატებითი დეტალებისათვის ევროპის კოლეჯის სამაგისტრო სასტიპენდიო პროგრამების შესახებ, ეწვიეთ ვებგვერდს: https://www.coleurope.eu/admission