აღმოსავლეთ ევროპის უნივერსიტეტის განათლების მეცნიერებების ფაკულტეტი მიმდინარე წლის 7 ივნისს მართავს მოსწავლეთა და სტუდენტთა რიგით მეოთხე ერთობლივ კონფერენციას ,,EduFuture 2026 – ახალი თაობა ციფრული სამყაროსთვის: განათლება, ხელოვნური ინტელექტი (AI) და კიბერუსაფრთხოება”
კონფერენციის მიზანია მოსწავლეთა, სტუდენტთა და ახალგაზრდა მკვლევართა აქტიური აკადემიური ჩართულობის ხელშეწყობა, სამეცნიერო თანამშრომლობის გაღრმავება და თანამედროვე ციფრული სამყაროს გამოწვევებზე ახალგაზრდების ხედვების წარმოჩენა. ღონისძიება მონაწილეებს შესაძლებლობას მისცემს ერთმანეთს გაუზიარონ გამოცდილება, იმსჯელონ განათლების, ხელოვნური ინტელექტისა (AI) და კიბერუსაფრთხოების მიმართულებით არსებულ აქტუალურ საკითხებზე. კონფერენცია ასევე ემსახურება კრიტიკული და შემოქმედებითი აზროვნების განვითარებას, განათლების სისტემის გაუმჯობესებაზე ორიენტირებული იდეების წარმოჩენას და მომავალი თაობის მკვლევართა პროფესიულ გაძლიერებას.
კონფერენციის საორიენტაციო თემატიკა მოიცავს შემდეგ საკითხებს :
- განათლება და ხელოვნური ინტელექტი (AI);
- ციფრული ტრანსფორმაცია და თანამედროვე ტექნოლოგიები;
- კიბერუსაფრთხოება და უსაფრთხო ციფრული გარემო;
- მომავლის სკოლა და უნივერსიტეტი ახალგაზრდების ხედვით;
- AI სასწავლო პროცესში — შესაძლებლობები და გამოწვევები;
- ტექნოლოგიები და მენტალური ჯანმრთელობა;
- STEM პროექტები და ინოვაციური იდეები;
- ინკლუზიური, თანასწორი და ხარისხიანი განათლება;
- ბავშვის უფლებები და განათლება;
- ახალგაზრდების სოციალური, სამეცნიერო და ტექნოლოგიური ინიციატივები;
- თანამედროვე საგანმანათლებლო რესურსები და ციფრული სწავლება.
გაითვალისწინეთ, თემატიკის ჩამონათვალი საორიენტაციოა და შეგიძლიათ, წარმოადგინოთ მოხსენება განათლებისა და ტექნოლოგიების სფეროს ნებისმიერ აქტუალურ საკითხზე.
კონფერენციის სამუშაო ენა: ქართული;
რეგლამენტი: მოხსენება – 15 წთ; კითხვა-პასუხი – 5 წთ.;
კონფერენციის ფორმატი: პირისპირ
კონფერენციის სამიზნე აუდიტორია: მოსწავლეები, სტუდენტები, ახალგაზრდა მკვლევრები
კონფერენციაში მონაწილეობა შეუძლია როგორც საჯარო, ისე კერძო სკოლის VIII, IX, X, XI და XII კლასის მოსწავლეებს; მოსწავლეებს ეძლევათ შესაძლებლობა საკონფერენციო თემები მოამზადონ აღმოსავლეთ ევროპის უნივერსიტეტის განათლების პროგრამების სტუდენტებთან და კურსდამთავრებულებთან ერთად ან ინდივიდუალურად;