აღმოსავლეთ ევროპის უნივერსიტეტის დაფინანსებით 04 ივლისიდან 07 ივლისის ჩათვლით მიმდინარეობდა სადოქტორო საზაფხულო სკოლა.
სადოქტორო საზაფხულო სკოლა განხორციელდა EEU-ს განათლების მეცნიერებების ინგლისურენოვანი სადოქტორო პროგრამის ფარგლებში და მიზნად ისახავდა სადოქტორო პროგრამით დაინტერესებული კანდიდატების მომზადებას სადოქტორო სწავლებისათვის.
საზაფხულო სკოლას ხელმძღვანელობას უწევდა დოქტორი პოლ გიბსი, რომელიც არის მიდლსექსის უნივერსიტეტის უმაღლესი განათლების ემერიტუსი პროფესორი, EEU-ს პროფესორი და სადოქტორო და უმაღლესი განათლების კვლევების განვითარების ცენტრის ხელმძღვანელი EEU-ში.
საზაფხულო სკოლის გახსნის ეტაპზე მსმენელებს მიესალმა აღმოსავლეთ ევროპის უნივერსიტეტის რექტორი, პროფესორი კახაბერ ლაზარაშვილი, განათლების მეცნიერებების დეკანი, ქეთევან აფთარაშვილი, განათლების მეცნიერებების სადოქტორო პროგრამის ხელმძღვანელი შალვა ტაბატაძე და EEU-ს სადოქტორო და უმაღლესი განათლების კვლევების განვითარების ცენტრის ხელმძღვანელი, პოლ გიბსი.
დოქტორ პოლ გიბსთან ერთად მონაწილეების აკადემიური და კვლევითი უნარების გაუმჯობესებასთან დაკავშირებით ლექციები წაიკითხეს საზაფხულო სკოლის განხორციელებაში ჩართულმა პროფესორ-მასწავლებლებმა:
შალვა ტაბატაძე – პროფესორი, EEU-ს განათლების მეცნიერებების სადოქტორო პროგრამის ხელმძღვანელი;
დავით სიხარულიძე – პროფესორი, EEU-ს სამეცნიერო კვლევებისა და განვითარების დეპარტამენტის უფროსი.
ქეთევან აფთარაშვილი – ასოცირებული პროფესორი, EEU-ს განათლების მეცნიერებების ფაკულტეტის დეკანი.
სადოქტორო საზაფხულო სკოლის მონაწილეები ასევე დაესწრნენ სადოქტორო და უმაღლესი განათლების კვლევების განვითარების ცენტრისა (EEU) და EEU განათლების მეცნიერებების ფაკულტეტის ორგანიზებით გამართულ დოქტორანტთა ყოველწლიურ ეროვნულ სამეცნიერო კონფერენციას, მოისმინეს საქართველოს სხვადასხვა კერძო და საჯარო უნივერსიტეტის დოქტორანტების მოხსენებები და ჩაერთვნენ პანელურ დისკუსიებში.
სადოქტორო საზაფხულო სკოლის მონაწილეებს გადაეცათ სერტიფიკატები.