გსურს Erasmus+-ის დაფინანსებით გაემგაზავრო ევროპაში, ისწავლო ბუქარესტის ეკონიკის უნივერსიტეტში და მიიღო დაუვიწყარი გამოცდილება?
მაშინ ეს კონკურსი შენთვისაა! გახდი ერასმუსელი!
▶ აღმოსავლეთ ევროპის უნივერსიტეტი აცხადედებს 2021-2022 სასწავლო წლის შემოდგომის სემესტრში
ერასმუს + სტიპენდიით ბუქარესტის ეკონომიკის უნივერსიტეტში გაცვლითი პროგრამის კონკურსს
სტუდენტებისთვის.
▶ გაცვლითი პროგრამა ცხადდება ევროკომისიის მიერ დაფინანსებული Erasmus+ პროგრამის საერთაშორისო
კრედიტ მობილობის (International Credit Mobility –ICM) ფარგლებში, რომელიც ხორციელდება EEU და
ბუქარესტის ეკონომიკის უნივერსიტეტს შორის გაფორმებული საპარტნიორო ხელშეკრულების საფუძველზე.
ბუქარესტის ეკონომიკის უნივერსიტეტი არის ერთ-ერთი საუკეთესო უნივერსიტეტი რუმინეთში, 12
ფაკულტეტითა და 21 000-ზე მეტი სტუდენტით.
▶ აღმოსავლეთ ევროპის უნივერსიტეტის ბიზნესისა და ინჟინერიის ფაკულტეტის სტუდენტებს გეძლევათ
შესაძლებლობა სრული დაფინანსებით გაცლითი ერთი სემესტრი გაატაროთ ბუქარესტში, ეზიაროთ
საერთაშორისო გამოცდილებას, მიიღოთ ცოდნა და დაუვიწყარი გამოცდილება!
Erasmus+ სტიპენდია სრულად ფარავს როგორც სწავლის, ისე მგზავრობის ხარჯებს! პროგრამის ფარგლებში უზრუნველყოფილია სტიპენდიების მიღება! ყოველთვიური სტიპენდიის სახით სტუდენტებისთვის განსაზღვრულია 850 ევრო, მგზავრობის ხარჯი ანაზღაურება 360 ევროს ოდენობით.
სტუდენტთა მობილობისთვის სტიპენდიატთა შესარჩევი პროცესი:
სტიპენდიანტთა შერჩევა განხორციელდება ღია კონკურსის წესით.
საკონკურსო დოკუმენტაციის წარმოდგენის ვადები:18/06/2021 – 26/06/2021
🔻კონკურსში მონაწილეობა შეუძლიათ მხოლოდ EEU–ს ბიზნესის ადმინისტრირების საბაკალავრო, სამაგისტრო და სადოქტორო პროგრამების აქტიური სტატუსის მქონე სტუდენტებს, რომლებიც ფლობენ ინგლისურ ენას მინიმუმ B2 დონეზე.
შერჩევის პროცესი განხორციელდება სამ ეტაპად:
- დოკუმენტაციის შემოწმება;
- გამოცდა ინგლისურ ენაში;
- გასაუბრება.
🔻ინგლისური ენის გამოცდიდან თავისუფლდება კანდიდატი, რომელიც წარმოადგენს:
- უკანასკნელი 2 წლის მანძილზე აღებულ ინგლისური ენის ცოდნის დამადასტურებელ სერტიფიკატს: TOEFL, IELTS ან CAMBRIDGE;
- უცხოეთში საუნივერსიტეტო დონეზე მინიმუმ 1 სემესტრის განმავლობაში სწავლის დამადასტურებელი ცნობას (სადაც სწავლების ენა იყო ინგლისური ენა).
სააპლიკაციო დოკუმენტები
კონკურსში მონაწილეობის მიღების მსურველმა სტუდენტებმა მიმდინარე წლის 18 ივნისიდან – 26 ივნისის ჩათვლით უნივერსიტეტში უნდა წარმოადგინოს შემდეგი დოკუმენტაცია:
- შევსებული განაცხადის ფორმა (იხ. დანართი)
- სამოტივაციო წერილი;
- პასპორტის ასლი (პასპორტის არ არსებობის შემთხვევაში, პირადობის მოწმობა);
- CV (ევროპული ფორმატი ინგლისურ ენაზე);
- ცნობა სტუდენტის სტატუსის შესახებ;
- სწავლების მიმდინარე საფეხურის ნიშნების ამონაწერი GPA-ის მითითებით;
- ინგლისური ენის ცოდნის (მინიმუმ B2 დონე) დამადასტურებელი დოკუმენტი (ასეთის არსებობის შემთხვევაში);
- სარეკომენდაციო წერილი;
🔻საბუთები მიიღება იწარმოებს EEU-ს საერთაშორისო ურთიერთობების სამსახურში (ოთახი 53) 11:00 სთ-დან 18:00 სთ-მდე, ან ელექტრონულ ფოსტის მისამართზე: international@eeu.edu.ge
დამატებითი ინფორმაციისთვის ან კითხვების არსებობის შემთხვევაში დაგვიკავშირდით:
EEU-ს საერთაშორისო ურთიერთობების სამსახური, ოთახი 53
+995 599 009 231
შენიშვნა: ფიზიკური მობილობის განხორციელება დამოკიდებული იქნება ეპიდემიოლოგიურ სიტუაციაზე საქართველოსა და ევროპაში