განათლების მეცნიერებები (ინგლისურენოვანი)

• ლუიზ დელინგუოთერ – EEU-ს აფილირებული პროფესორი, სორბონის უნივერსიტეტის (საფრანგეთი) პროფესორი
• დავით სიხარულიძე – EEU-ს პროფესორი, სამეცნიერო კვლევებისა და  განვითარების დეპარტამენტის უფროსი

პროგრამის ხანგრძლივობა: 3 წელი

მისანიჭებელი კვალიფიკაცია: განათლების მეცნიერების დოქტორი/Doctor of Education Science

პროგრამის სტატუსი: აკრედიტებული

სწავლის საფასური: 5000 აშშ დოლარის ეკვივალენტი ლარში (ერთი წელი);

სწავლების ენა: ინგლისური

• განათლების მეცნიერებები –  საქართველოში პირველი ინგლისურენოვანი სადოქტორო პროგრამა, რომელიც ხორციელდება მიდლსექსის უნივერსიტეტის (დიდი ბრიტანეთი) განათლების დეპარტამენტის მხარდაჭერით;
•  პროგრამის  განხორციელებელი პერსონალი – დიდი ბრიტანეთისა და ევროპის წამყვანი ქვეყნების (საფრანგეთი, იტალია, ესპანეთი, კვიპროსი, ავსტრია და ა.შ.) აკადემიური და მოწვეული პერსონალი.
• პროგრამა შექმნისას გათვალისწინებულ იქნა ადგილობრივი და საერთაშორისო შრომის ბაზრის კვლევის შედეგები, სადოქტორო სწავლების ბრიტანული და რამდენიმე უცხოური უნივერსიტეტის გამოცდილება.  მათ შორის,  ჰარვარდის უნივერსიტეტისა და ტეხასის A&M უნივერსიტეტის განათლების მეცნიერებების სადოქტორო პროგრამები;
• პროგრამის სტრუქტურა იძლევა შესაძლებლობას, დოქტორანტმა არჩევითი სასწავლო კურსების ფარგლებში არჩევანი გააკეთოს სკოლამდელი, ზოგადი (სასკოლო) ან უმაღლესი განათლების მიმართულებით
• უზრუნველყოფილია პროგრამის სტუდენტებისთვის მიდლსექსის უნივერსიტეტის განათლების დეპარტამენტის სამეცნიერო და სასწავლო მასალებზე წვდომა, სტუდენტებს შესაძლებლობა აქვთ, გაიარონ ნებისმიერი მოდული ან ჩაატარონ კვლევა მიდლსექსის უნივერსიტეტის განათლების დეპარტამენტში
•  საერთაშორისო ექსპერტების საჯარო ლექციები, განათლების თანამედროვე ტენდენციებსა და აქტუალურ საკითხებზე სეზონური სკოლები, სემინარები და  სპეციალური კურსები საუნივერსიტეტო დაფინანსებით;
• გაცვლითი პროგრამები: სორბონის უნივერსიტეტი (საფრანგეთი), მიდლსექსის უნივერსიტეტი (დიდი ბრიტანეთი), ანგლია რასკინის უნივერსიტეტი (დიდ ბრიტანეთი)

განათლების მეცნიერებების სადოქტორო პროგრამაზე ჩარიცხვის უფლება აქვს:

• მაგისტრის ან მასთან გათანაბრებული აკადემიური ხარისხის მქონე პირს;
•  პირს, რომელსაც აქვს შესაბამის სფეროში წინარე ნაშრომი/პუბლიკაცია ან/და სამეცნიერო-კვლევით პროექტებსა და ღონისძიებებში მონაწილეობა ან/და შესაბამის სფეროში მუშაობის არანაკლებ 2-წლიანი გამოცდილება, რომლითაც დადასტურდება კანდიდატის კვლევითი უნარები.
•  ჩააბარებს შიდა საუნივერსიტეტო გამოცდებს, რომელიც მოიცავს ტესტირებას ინგლისურ ენასა და საკონკურსო გასაუბრებას დარგობრივ კომისიასთან.

შენიშვნა:

ინგლისური ენის არანაკლებ C1 დონეზე ცოდნა, რაც უნდა დადასტურდეს საუნივერსიტეტო გამოცდით ან შესაბამისი სერთიფიკატით. ინგლისური ენის შიდასაუნივერსიტეტო ტესტირებისაგან თავისუფლდებიან კანდიდატები, რომლებიც ინგლისური ენის სულ მცირე C1 დონის კომპეტენციას დაადასტურებენ ინგლისური ენის ცოდნის არანაკლებ C1 დონის ფლობის დამადასტურებელი საერთაშორისო სერტიფიკატით (TOEFL Paper – 590 – 637; TOEFL CBT – 243 – 270; TOEFL IBT – 82 – 90; IELTS – 7 – 8; CAE – 181 -200) ან შეფასებისა და გამოცდების ეროვნული ცენტრის მიერ გაცემული შესაბამისი ვალიდური სერტიფიკატით (CERTUS – 88,25-100), რომელიც ადასტურებს კანდიდატის ინგლისური ენის კომპეტენციას მინიმუმ C1 დონეზე ან ბოლო 2 წლის განმავლობაში ინგლისურენოვანი აკადემიური საგანმანათლებლო პროგრამის (სამაგისტრო, სადოქტორო) დასრულების დამადასტურებელი დიპლომით.