ERASMUS+ -ის პროგრამის ფარგლებში მიმდინარე წლის 7 მაისს ავსტრიის (ლინცი) განათლების უნივერსიტეტში (PÄDAGOGISCHE HOCHSCHULE OÖ) გაემგზავრა ასისტენტ-პროფესორი, EEU-ს სასწავლო პროცესის მართვის სამსახურის უფროსი ქეთევან აფთარაშვილი.
ვიზიტის ფარგლებში ქეთევან აფთარაშვილი პირადად გაეცნო საერთაშორისო ურთიერთობების დეპარტამენტის ადმინისტრაციულ/აკადემიურ პერსონალს, სასწავლო პრაქტიკას, სწავლების მეთოდებს, მიმდინარე პერიოდში დანერგილს სიახლეებს, დაესწრო ERASMUS+ გაცვლითი პროგრამის ფარგლებში ჩართულ სხადასხვა ქვეყნის სტუდენტების ლექცია/სემინარებს. ქეთევან აფთარშვილი შეხვდა ავსტრიის (ლინცი) განათლების უნივერსიტეტის უმაღლესი განათლების მართვისა და განვითარების დარგში პრორექტორს იოზეფ ობერნიდერს (Josef Oberneder), რომელმაც ისაუბრა სამომავლო გეგმებზე და ერთობლივი სამაგისტრო პროგრამის შემუშავების სურვილი გამოთქვა.
ქეთევან აფთარაშვილმა ავსტრიელი სტუდენტებისთვის წაიკითხა საჯარო ლექცია და მოხსენება/პრეზენტაცია აღმოსავლეთ ევროპის უნივერსიტეტის შესახებ, რამაც კიდევ უფრო შეუწყო ხელი EEU-ში გაცვლითი პროგრამის ფარგლებში სტუდენტთა მობილობით დაინტერესებას.
EEU-ს განათლების კვლევებისა და ადმინისტრირების პროგრამის მაგისტრანტი სალომე გაგნიძე ERASMUS+-ის გაცვლითი პროგრამის ფარგლებში ამჟამად სწავლას აგრძელებს ავსტრიის (ლინცი) განათლების უნივერსიტეტში. ქეთევან აფთარაშვილი დაესწრო ERASMUS+-ის პროგრამის სტუდენტების სასწავლო პრაქტიკებს სკოლაში, ჰქონდა შესაძლებლობა შეესწავლა ავსტრიელი მასწავლებლების სწავლების მეთოდები, სასკოლო განათლების სტრუქტურა და დაიგეგმა კვლევითი აქტივობა ლინცის დაწყებითი განათლების სკოლებში.
