ეთიკის კომიტეტი

ეთიკის კომიტეტი:

• განიხილავს კეთილსინდისიერად წარმოდგენილ განცხადებებს, პრეტენზიებსა და საჩივრებს;
• გასცემს რეკომენდაციებს უნივერსიტეტის შესაბამის ორგანოებსა და სტრუქტურულ ერთეულებს;
• ხელს უწყობს ეთიკური კულტურის განმტკიცებას და პრევენციული ღონისძიებების განხორციელებას.

ეთიკის კომიტეტი მუშაობს რეგულარული შეხვედრების გრაფიკით და იკრიბება თვეში ერთხელ. საჭიროების შემთხვევაში შეიძლება ჩატარდეს რიგგარეშე სხდომაც.

თუ ფიქრობთ, რომ უნივერსიტეტში დაირღვა ეთიკური ნორმები, შეგიძლიათ მიმართოთ ეთიკის კომიტეტს.

საჩივრის/პრეტენზიის წარდგენის არხები:

• 📧 ელექტრონული ფოსტა: ethics@eeu.edu.ge
• 🌐 ონლაინ ფორმა: https://www.surveymonkey.com/r/3PTJMNY

სურვილის შემთხვევაში განცხადება შეიძლება იყოს ანონიმური, თუმცა რეკომენდებულია მაქსიმალურად სრულყოფილი ინფორმაციის მიწოდება (ფაქტები, თარიღები, გარემოებები), რაც ხელს უწყობს საკითხის ეფექტიან და ობიექტურ განხილვას.

კონფიდენციალურობა და შურისძიების აკრძალვა

უნივერსიტეტი უზრუნველყოფს:

• ყველა განცხადებისა და საჩივრის კონფიდენციალურ განხილვას;
• შურისძიებისგან სრულ დაცვას იმ პირების, რომლებიც კეთილსინდისიერად მიმართავენ ეთიკის კომიტეტს ან თანამშრომლობენ განხილვის პროცესში.

შურისძიება წარმოადგენს ეთიკურ დარღვევას და იწვევს დისციპლინურ პასუხისმგებლობას.

განცხადებების განხილვის პროცესი

ეთიკის კომიტეტი:

1. იღებს და აფასებს განცხადებას კომპეტენციის ფარგლებში;
2. საჭიროების შემთხვევაში ითხოვს დამატებით ინფორმაციას;
3. განიხილავს საკითხს მიუკერძოებლად და კოლეგიურად;
4. გასცემს დასკვნას ან რეკომენდაციას უნივერსიტეტის შესაბამისი ორგანოებისთვის.