აღმოსავლეთ ევროპის უნივერსიტეტის დაფინანსებით ბიზნესისა და ინჟინერიის ფაკულტეტის სტუდენტი, თამარ აბესაძემ საერთაშორისო მასშტაბის ღონისძიებაში– European Youth Event (EYE2025) მიიღო მონაწილეობა, რომელიც სტრასბურგში, ევროპარლამენტში გაიმართა.
რამდენიმე დღის განმავლობაში თამარ აბესაძემ მიიღო მონაწილეობა მრავალფეროვან აქტივობებში: კონფერენციებში, ტრენინგებსა და დისკუსიებში, რომლებიც ევროკომისიის წევრებისა და მოწვეული პროფესიონალი ტრენერების ხელმძღვანელობით ჩატარდა.
სესიის განმავლობაში წარადგინა მოხსენება სამ უმნიშვნელოვანეს თემაზე:
- ადამიანის უფლებები;
- ქალთა უფლებები;
- საქართველოს ევროპული ინტეგრაცია.
თამარი აღნიშნავს, რომ პროექტში მონაწილეობა მისთვის პროფესიული და პიროვნული განვითარების მნიშვნელოვან ეტაპად იქცა. ახალგაზრდებთან ერთად მონაწილეობამ და აზრთა გაცვლამ კიდევ უფრო გააღრმავა მისი ცოდნა ისეთი კრიტიკული საკითხების შესახებ, როგორებიცაა გენდერული თანასწორობა, დემოკრატიული ღირებულებები და ევროპული თანამშრომლობა.
ტრენინგებისა და დისკუსიების ფარგლებში, ქალთა უფლებების საკითხზე თამარი ერთობლივად მუშაობდა შვედი და ფრანგი ახალგაზრდების ჯგუფთან. „ძალიან ღირებული გამოცდილება იყო პირადად გავცნობოდი ევროპარლამენტის მუშაობის პროცესს, შემეტანა ჩემი წვლილი საერთო ევროპულ ღირებულებებში. განსაკუთრებით მადლობას ვუხდი აღმოსავლეთ ევროპის უნივერსიტეტს, რომელიც მუდამ მხარში უდგას სტუდენტებს და ხელს უწყობს მათ საერთაშორისო განვითარებას,“ – აღნიშნა თამარმა.
აღმოსავლეთ ევროპის უნივერსიტეტი აძლიერებს საერთაშორისო კავშირებს და ხელს უწყობს სტუდენტების ჩართულობას საერთაშორისო პროექტებსა და ინიციატივებში, რაც მნიშვნელოვანი წვლილია მათი სამომავლო კარიერული და აკადემიური განვითარებისთვის.