2022 წლის 15 მაისს აღმოსავლეთ ევროპის უნივერსიტეტში სკოლის მოსწავლეებისთვის გაიმართა ტრენინგი: ,,დრამ-თერაპია და შეზღუდული შესაძლებლობის მქონე პირებთან (შშმ) ურთიერთობის სტანდარტები’’
ტრენინგ-კურსს გაუძღვნენ:
ივანე (ბაჩო) გაბრუაშვილი – მუსიკალური თეატრის მსახიობი, რეჟისორი, მრავალი სარეაბილიტაციო და გამაჯანსაღებლი დღის ცენტრის დრამ-თერაპეპტი, ინტეგრირებუი თეატრის „აზდაკის ბაღი“ და სხვადასხვა თეატრალური სკოლა-სტუდიის სამხატვრო ხელმძღვანელი.
ანნა ნაზღაიძე – შსს აკადემიის პროფესიული მომზადების სამმართველოს ინსტრუქტორი; საერთაშორისო დონის ტრენერი; შშმ პირთა უფლებადამცველი; დამოუკიდებელი ექსპერტი; Life ქოუჩი, ადაპტიური სპორტის მაგისტრი
პირველად საქართველოს რეალობაში სკოლის მოსწავლეებს შესაძლებლობა ჰქონდათ მოესმინათ ინოვაციური, მრავალფეროვანი და მოქნილი კურსი დარგის ექსპერტებისგან. ტრენინგის ფარგლებში მსმენელები დრამ-თერაპიის საშუალებით გაეცნენ შეზღუდული შესაძლებლობის მქონე პირთა შესახებ არსებულ პრობლემებსა და მათთან სწორი კომუნიკაციის დამყარების გზებს.
სწავლება განხორციელდა თანამედროვე და პრაქტიკული მეთოდების გამოყენებით, როგორებიცაა: ენერჯაიზერები, იმიტირებული თამაშები, თეორიული და პრაქტიკული მეცადინეობები, პრეზენტაციები. ტრენინგმა მოსწავლეების დიდი დაინტერესება და მაღალი ინტერაქცია გამოიწვია.
ღონისძიების მეორე ეტაპზე სკოლის მოსწავლეებმა მიიღეს დეტალური ინფორმაცია აღმოსავლეთ ევროპის უნივერსიტეტის საერთაშორისო თანამშრომლობისა და გაცვლითი პროგრამების, საუნივერსიტეტო სტიპენდიებისა და სწავლის დაფინანსების მრავალფეროვანი პირობების, სტუდენტური მხარდამჭერი სერვისებისა და უპირატესობების თაობაზე. ღონისძიების დასასრულს მოსწავლეებმა დაათვალიერეს აღმოსავლეთ ევროპის უნივერსიტეტის თანამედროვე ინფრასტრუქტურით აღჭურვილი ახალი კამპუსი.
EEU-ში გრძელდება მე-10, მე-11 და მე-12 კლასების სკოლის მოსწავლეებისთვის საინტერესო, ინტელექტუალურ-შემეცნებითი და გასართობი აქტივობების ციკლი, რომელიც აღმოსავლეთ ევროპის უნივერსიტეტის მიერ KINGS-თან პარტნიორობით ხორციელდება.
ღია კარის დღეების განრიგი იხილეთ ბმულზე: https://forms.gle/2FqFQjusHunJpz7R9
