ლელა გოგინავა (ასისტენტ-პროფესორი)    

მიმართულება: განათლება

ლელა გოგინავა  არის აღმოსავლეთ ევროპის უნივერსიტეტის  განათლების მეცნიერებების ფაკულტეტის ასისტენტ-პროფესორი. იგი ფლობს კასტელონის Jaume I უნივერსიტეტის (ესპანეთი) მაგისტრის ხარისხს მშვიდობასა და განვითარებაში. ასევე, დასრულებული აქვს ასპირანტურა სოციოლოგიის მიმართულებით.

ლელა გოგინავას  აქვს მრავალწლიანი პროფესიული გამოცდილება. იკავებდა სხვადასხვა პოზიციებს საქართველოს საგარეო საქმეთა სამინისტროს საერთაშორისო ორგანიზაციების დეპარტამენტსა და  საერთაშორისო სამართლის დეპარტამენტში.

ლელა გოგინავა 2022 წლიდან დღემდე არის COST-ის პროექტის – „ქალები მოძრაობაში“ (WEMove)  (CA19112) სრულუფლებიანი წევრი საქართველოდან, მესამე სამუშაო ჯგუფის თანალიდერი და მკვლევარი. 2024 წლის იანვრიდან გახლავთ COST-ის პროექტის –  „ევროპული ერების იდენტობის დოკუმენტების ისტორია: მოქალაქეობა, ეროვნება და მიგრაცია“ (HIDDEN) (CA21120) სრულუფლებიანი წევრი საქართველოდან და მესამე და მეხუთე სამუშაო ჯგუფების წევრი და მკვლევარი. 2024 წლის თებერვლიდან კი COST-ის პროექტის „ტრანსნაციონალური ოჯახების დინამიკა ევროპაში“ (TraFaDy)  CA21143  COST-ის მენეჯმენტის კომიტეტის სრულუფლებიანი წევრი საქართველოდან, მეორე სამუშაო ჯგუფის წევრი და მკვლევარი.

ლელა გოგინავა არის არაერთი პუბლიკაციის ავტორი და თანაავტორი, სამეცნიერო კონფერენციების, პანელური დისკუსიებისა და სამუშაო შეხვედრების მონაწილე და მომხსენებლი.