აღმოსავლეთ ევროპის უნივერსიტეტი (EEU) პარტნიორ უნივერსიტეტებთან (საფრანგეთის სორბონის უნივერსიტეტი და გერნამიის აშაფენბურგის გამოყენებითი მეცნიერებების უნივერსიტეტი) ერთად 2025 წლის 30 მაისს მართავს საერთაშორისო სტუდენტურ სამეცნიერო კონფერენციას.
კონფერენციის სამუშაო ენა: ინგლისური
რეგლამენტი: 20 წუთი
შეხვედრის ფორმატი: ჰიბრიდული (პირისპირ და დისტანციური)
ლოკაცია: აღმოსავლეთ ევროპის უნივერსიტეტი (მის: ი. ენუქიძის ქუჩა № 6 თბილისი, 0159 საქართველო)
კონფერენციაში მონაწილეობა შეუძლია აღმოსავლეთ ევროპის უნივერსიტეტისა და მისი საერთაშორისო პარტნიორი უნივერსიტეტების ყველა ფაკულტეტის სამივე საფეხურის (ბაკალავრიატი, მაგისტრატურა, დოქტორანტურა) სტუდენტს.
კონფერენციის მიზანი:
- სამეცნიერო საქმიანობაში სტუდენტთა აქტიური ჩართულობისა და ინოვაციური იდეების გენერირების ხელშეწყობა;
- სტუდენტთა კვლევითი უნარ-ჩვევების განვითარების ხელშეწყობა;
- აღმოსავლეთ ევროპის უნივერსიტეტში შრომის ბაზრის მოთხოვნების შესაბამისი კვალიფიციური კადრების მომზადება;
კონფერენცია ფარავს ყველა სფეროს.
მნიშვნელოვანი თარიღები:
- სამეცნიერო კომისიის მიერ დადგენილი მოთხოვნების (იხ. დანართი 1/Appendix 1) შესაბამისად შესრულებული ინგლისურენოვანი განაცხადის/Application Form (ინგლისურ ენოვანი ანოტაციით) წარმოდგენის ბოლო ვადა 25 აპრილი, 2025 წელი. საქართველოს დროით 18:00 საათი;
- ინგლისურენოვანი პრეზენტაციის (PPT) წარმოდგენის ბოლო ვადა 25 მაისი, 2025 წელი. საქართველოს დროით 18:00 საათი.
ანოტაცია და პრეზენტაცია უნდა შესრულდეს ინგლისურ ენაზე და განსაზღვრული ვადების დაცვით გაიგზავნოს შემდეგ ელექტრონულ მისამართზე: t.gherkenashvili@eeu.edu.ge (სათაურის ველში ,,International Students’ Scientific Conference 2025“-ის მითითებით)
- წარმოდგენილი ანოტაციები შეფასდება სამეცნიერო კომისიის მიერ.
- კონფერენციის მონაწილეებს გადაეცემათ სერთიფიკატები.
შენიშვნა: განსაზღვრული ვადის დარღვევით წარმოდგენილი ანოტაციები არ განიხილება!
დამატებითი კითხვების არსებობის შემთხვევაში მიმართეთ კონფერენციის კოორდინატორს თათია ღერკენაშვილს.
გისურვებთ წარმატებას!