აღმოსავლეთ ევროპის უნივერსიტეტსა და ყირგიზეთის სახელმწიფო სამედიცინო აკადემიას შორის ურთიერთთანამშრომლობის მემორანდუმი გაფორმდა. მემორანდუმს ხელი აღმოსავლეთ ევროპის უნივერსიტეტის რექტორმა, დოქტ. კახაბერ ლაზარაშვილმა და ყირგიზეთის სახელმწიფო სამედიცინო უნივერსიტეტის რექტორმა, პროფ. ინდირა კუდაიბერგენოვამ მოაწერეს.
მემორანდუმი ითვალისწინებს თანამშრომლობის გაძლიერებას ისეთ სფეროებში, როგორებიცაა მეცნიერება, ტექნოლოგიები და განათლება, რაც ხელს შეუწყობს ცოდნის, გამოცდილების, ინოვაციური პროდუქტებისა და სერვისების გაზიარებას. მემორანდუმის ფარგლებში მოხდება სხვადასხვა ერთობლივი პროექტების შემუშავება, ერთობლივი კვლევების განხორციელება, სასწავლო მასალების, სამეცნიერო და კვლევითი ლიტერატურის გაცვლა და სხვა. პერსონალსა და სტუდენტებს შესაძლებლობა ექნებათ ჩაერთონ გაცვლით პროგრამებში, აიმაღლონ კვალიფიკაცია და მიიღონ დაუვიწყარი გამოცდილება.
ყირგიზეთის სახელმწიფო სამედიცინო აკადემია დაარსდა 1939 წელს. ამჟამად აკადემიას აქვს სამედიცინო, პედიატრიული, სტომატოლოგიური ფაკულტეტები, უცხო ქვეყნის მოქალაქეების მომზადების ფაკულტეტი და ფარმაცევტული ინსტიტუტები, უმაღლესი საექთნო განათლება, მენეჯმენტი და საზოგადოებრივი ჯანდაცვა, სამედიცინო სკოლა.
აკადემიის შესახებ დამატებითი ინფორმაციისათვის ეწვიეთ ბმულს.
