16 იანვარს, 14:00 საათზე, ჯანდაცვის მეცნიერებათა ფაკულტეტის აკადემიური და მოწვეული პერსონალისთვის გაიმართება ტრენინგი: ,,პაციენტის მრავალფუნქციური ინტერაქციული სიმულატორის – Leonardo High Fidelity ოპერირების ტექნიკები და პრაქტიკაში გამოყენება’’.
ტრენინგის მიზანია შესაბამისი სასწავლო კურსების ფარგლებში მოზრდილი პაციენტის მრავალფუნქციური ინტერაქციული სიმულატორის – Leonardo HF სასწავლო პროცესში დანერგვა, სამიზნე ჯგუფისთვის მისი ტექნიკური, ფუნქციური შესაძლებლობების გაცნობა და მართვის ტექნიკების ათვისება.
მოზრდილი პაციენტის მულტიფუნქციური ინტერაქციული სიმულატორი Leonardo High Fidelity იძლევა როგორც საბაზისო, ასევე რთული და კომპლექსური სამედიცინო მანიპულაციების მაღალი ხარისხით ჩატარების შესაძლებლობას. მისი მაქსიმალურად რეალისტური მახასიათებლები სრულად შეესაბამება ადამიანის ფიზიოლოგიურ მონაცემებს (180 სმ, 68 კგ). აღნიშნული მანეკენი უკავშირდება კომპიუტერულ მოწყობილობას, სადაც სპეციალური პროგრამის საშუალებით იქმნება სხვდასხვა სახის კლინიკური შემთხვევა.
თემატიკა და სადისკუსიო საკითხები:
- მოზრდილი პაციენტის მრავალფუნქციური ინტერაქციული სიმულატორის Leonardo HF ფუნქციონალების ათვისება და პრაქტიკაში გამოყენება;
- მოზრდილი პაციენტის მრავალფუნქციური ინტერაქციული სიმულატორის Leonardo HF სასწავლო პროცესში ინტეგრაციის შესაძლებლობები, კლინიკური ქეისების სიმულაციები, გამოწვევები და სპეციფიკა.
ტრენერი: ალმაზ შაიაპოვ – უფროსი ინჟინერი, კომპანია MedVision.
სამიზნე ჯგუფი: კლინიკური და პროფესიული უნარ-ჩვევების, დიაგნოსტიკის მეთოდების, კლინიკური კურსების აკადემიური და მოწვეული პერსონალი.
სამუშაო ენა: ინგლისური
ტრენინგის განხორციელების განრიგი: 16.01.2023, 14:00 საათზე;
ფორმატი: პირისპირ