მაკა ხოდელი (ასოცირებული პროფესორი)  

სამართლის დოქტორი

მიმართულება: სისხლის სამართალი

მაკა ხოდელს აქვს მრავალწლიანი პროფესიული და პედაგოგიური საქმიანობის გამოცდილება, არის „გერმანულ-ქართული სისხლის სამართლის ჟურნალის’’ (DGStZ) სარედაქციო კოლეგიის წევრი, გერმანულ-ქართული ელექტრონული სისხლის სამართლის ლექსიკონის სამუშაო ჯგუფის წევრი (საერთაშორისო სამართლებრივი თანამშრომლობის გერმანული ფონდი (IRZ)). სხვადასხვა წლებში იყო ბერლინის ჰუმბოლდტის უნივერსიტეტის იურიდიული ფაკულტეტის სამეცნიერო მკვლევარი, ივანე ჯავახიშვილის სახელობის თბილისის სახელმწიფო უნივერსიტეტის სასწავლო დეპარტამენტის უფროსის მოადგილე, გერმანიის ქალაქ ფრაიბურგში არსებული მაქს-პლანკის კვლევითი ინსტიტუტის თანაშემწე სისხლის სამართლის განყოფილებაში.

მაკა ხოდელი აქტიურად ეწევა სამეცნიერო-კვლევით საქმიანობას. 2021 წელს მოიპოვა გერმანიის აკადემიური გაცვლის სამსახურის (DAAD) სამეცნიერო-კვლევითი სტიპენდია და იყო სამეცნიერო მკვლევარი ბერლინის ჰუმბოლდტის უნივერსიტეტში. არის არაერთი საერთაშორისო და ადგილობრივი სემინარის მონაწილე და სამეცნიერო ხელძღვანელი, ასევე არის ავტორი სისხლის სამართლის აქტუალურ საკითხებზე საერთაშორისო და ადგილობრივი სამეცნიერო ნაშრომების და მონოგრაფიისა „სატელეფონო საუბრის ფარული მიყურადება სისხლის სამართლის პროცესში“ (ქართული და გერმანული სამართლის მიხედვით).