2023 წლის 14 მაისს აღმოსავლეთ ევროპის უნივერსიტეტში (EEU) გაიმართა ფსიქოლოგ ნანა გოგიჩაშვილის საჯარო ლექცია: ,,ემოციური ინტელექტი და XXI საუკუნე’’.
საჯარო ლექციაზე ნანა გოგიჩაშვილმა ისაუბრა ემოციური ინტელექტის საშუალებით წარმატების მიღწევის მარტივი წესების შესახებ. შეხვედრის ფარგლებში მოსწავლეებმა მიიღეს რჩევები და რეკომენდაციები ემოციური ინტელექტის გასავითარებლად.
საჯარო ლექციას ქ. თბილისის საჯარო და კერძო სკოლების მოსწავლეები და EEU-ს სტუდენტები ესწრებოდნენ. შეხვედრის ბოლოს გაიმართა დისკუსია, მსმენელებმა დასვეს უამრავი და საინტერესო შეკითხვა, რომლებსაც ფსიქოლოგმა ნანა გოგიჩაშვილმა უპასუხა.
ღია კარის დღის მეორე ეტაპზე სკოლის მოსწავლეებმა მონაწილეობა მიიღეს ინტელექტუალურ შეჯიბრში. ბლიც კითხვების შედეგად გამოვლინდა ორი გამარჯვებული გუნდი.
პირველი და მეორე ადგილის მფლობელებს აღმოსავლეთ ევროპის უნივერსიტეტისგან გადაეცათ 10 და 5-ქულიანი ბონუს ბარათები, რომლითაც პროექტის ბოლოს ღია კარის დღეების შემაჯამებელი აქტივობის, ,,EEU აუქციონის’’ დროს შეძლებენ საგანმანათლებლო თუ გასართობი დანიშნულების ნივთების შეძენას.
EEU-ში გრძელდება სკოლის მოსწავლეებისთვის საინტერესო, ინტელექტუალურ-შემეცნებითი და გასართობი აქტივობების ციკლი.
განრიგი იხილეთ ბმულზე: https://eeu.edu.ge/portfolio/eeuabituri/
არ გამოტოვოთ ღია კარის დღეები EEU-ში, თუ ჯერ არ დარეგისტრირებულხართ, შეავსეთ სარეგისტრაციო ფორმა: https://forms.gle/ARPYJR3jGfvVdL3n8
