საექთნო საქმე

• პროგრამა სრულად შეესაბამება ადგილობრივ თუ საერთაშორისო აკადემიურ და საექთნო საქმის პროფესიულ სტანდარტებს. ეფუძნება ჯანდაცვის განათლების თანამედროვე მიდგომებსა და საუკეთესო საერთაშორისო პრაქტიკას, რომელიც მიზნად ისახავს მაღალკვალიფიციური, კონკურენტუნარიანი, პრაქტიკაზე ორიენტირებული, ეთიკური პასუხისმგებლობის მქონე და ჯანდაცვის გლობალურ შრომის ბაზარზე მოთხოვნადი სპეციალისტების მომზადებას;
• პროგრამა შემუშავებულია შრომის და განათლების ბაზრის კვლევის შედეგად გამოვლენილი ტენდენციების, საექთნო საქმის უმაღლესი განათლების დარგობრივი სტანდარტის, ანალოგიურ პროგრამებთან (Case Western Reserve University (აშშ), Universidad Cardenal Herrera (ესპანეთი), UIC Barcelona (ესპანეთი), Universidad de Alicante (ესპანეთი), Norwich University (აშშ), MCPHS University (აშშ) და სხვა) შედარებითი ანალიზის შედეგების  საფუძველზე;
• პროგრამით გათვალისწინებული სწავლის შედეგების მისაღწევად გამოიყენება აღმოსავლეთ ევროპის უნივერსიტეტის კლინიკური და პრაქტიკული უნარ-ჩვევების განვითარების ცენტრი. ცენტრი წარმოადგენს თანამედროვე სტანდარტების შესაბამისად აღჭურვილ მძლავრ სასწავლო-კვლევით კომპლექსს, რომლის შემადგენლობაში შედის ლაბორატორიები, OSCE სადგურები, სიმულაციური აუდიტორიები, რაც უზრუნველყოფს სტუდენტების კომპლექსურ მომზადებას და  კლინიკური და პრაქტიკული უნარების უსაფრთხო და კონტროლირებად გარემოში ათვისებასა და განმტკიცებას;
• პროგრამის წარმატებით განხორციელებისთვის ფუნდამენტურ წინაპირობას, ქვეყნის წამყვან პარტნიორ კლინიკებთან ერთად, წარმოადგენს ღია გული-საუნივერსიტეტო ჰოსპიტალი. კლინიკის თანამედროვე და მაღალტექნოლოგიური ინფრასტრუქტურა, მრავალპროფილური გარემო, კლინიკური შემთხვევების მრავალფეროვნება და მაღალკვალიფიციური პერსონალი ქმნის იდეალურ საფუძველს სტუდენტების თეორიული ცოდნის პრაქტიკაში დამკვიდრებისთვის, პროფესიული უნარების განვითარებისა და კომპეტენციების ჩამოყალიბებისთვის;
• მაღალკვალიფიციური აკადემიური და მოწვეული პერსონალი, მრავალწლიანი კლინიკური და პედაგოგიური გამოცდილების მქონე დარგის წამყვანი კლინიცისტები და მკვლევარები, რაც თეორიული ცოდნისა და პრაქტიკული გამოცდილების ეფექტიან ინტეგრაციას უზრუნველყოფს;
• საერთაშორისო აკადემიურ მობილობასა და გაცვლით პროგრამებში მონაწილეობის შესაძლებლობა ევროპის პარტნიორ უნივერსიტეტებში;
• ხელმისაწვდომი სწავლის საფასური, სტიპენდიის მოპოვებისა და ფინანსური მხარდაჭერის სხვადასხვა მექანიზმები.

საექთნო საქმის საბაკალავრო საგანმანათლებლო პროგრამის მიზანია სტუდენტს:

• მისცეს ფართო თეორიული ცოდნა საექთნო საქმის პრინციპების, კონცეფციისა და თეორიების, აგრეთვე  საექთნო საქმის საბაზისო ბიოსამედიცინო, კლინიკური, ქცევითი და სოციალური მეცნიერებების შესახებ;
• გამოუმუშავოს საექთნო პროცესის წარმართვის, მათ შორის, გადაუდებელი სამედიცინო მდგომარეობების დროს პირველადი დახმარების გაწევის, უნარები;
• გამოუმუშავოს საინფორმაციო ტექნოლოგიების გამოყენებით სხვადასხვა აკადემიური წყაროდან საექთნო საქმის სფეროსთვის რელევანტური სამეცნიერო ლიტერატურის, ინფორმაციის, მონაცემების, მოძიების, შეგროვების, დამუშავების, ანალიზის, ასევე  წინასწარ განსაზღვრული მითითებების შესაბამისად, აკადემიური კეთილსინდისიერებისა და სამეცნიერო კვლევის ეთიკის პრინციპების დაცვით, კვლევითი ხასიათის პროექტის (ნაშრომის) შემუშავების უნარი;
• გამოუმუშავოს სპეციალისტებთან და არასპეციალისტებთან საკუთარი კვლევის შედეგების, დასკვნების, არგუმენტების, საექთნო საქმის სფეროსთან  დაკავშირებული რთული და გაუთვალისწინებული პრობლემებსა და მათი გადაჭრის გზების თაობაზე, ზეპირი და წერითი ფორმით კომუნიკაციის უნარი ინფორმაციისა და კომუნიკაციის ტექნოლოგიების გამოყენებით.
• გამოუმუშავოს პროფესიული საქმიანობისას გუნდური მუშაობის  პრინციპების  დაცვით მოქმედების, საკუთარი და გუნდის წევრთა უწყვეტ პროფესიულ განვითარებაზე ორიენტირებულ საქმიანობის წარმართვის, ასევე საკუთარი და გუნდის წევრების საქმიანობის შდეგების ობიექტურად შეფასების უნარია;
• გამოუმუშავოს ცოდნის მუდმივად  განახლების უნარი, „მთელი  ცხოვრების განმავლობაში სწავლის“ პრინციპის დაცვით;
• გამოუმუშავოს პროფესიული საქმიანობისას კონფიდენციალობის პრინციპებზე დაყრდნობით მოქმედებისა და სამართლებრივი, ეთიკური და პროფესიული ქცევის ნორმების დაცვის უნარები.