28 სექტემბერს, აღმოსავლეთ ევროპის უნივერსიტეტის (EEU) სტუდენტებისთვის EEU-ს სტუდენტური ომბუდსმენის ოფისის წარმომადგენლებთან შეხვედრა გაიმართა;
შეხვედრა მიზნად ისახავდა სამიზნე ჯგუფისთვის ოფისის საქმიანობის ძირითადი პრინციპების გაცნობას.
სტუდენტებს აღმოსავლეთ ევროპის უნივერსიტეტის რექტორი, კახაბერ ლაზარაშვილი მიესალმა, ხოლო ოფისის შესახებ პრეზენტაცია EEU-ს სტუდენტური ომბუდსმენის ოფისის ომბუდსმენმა, ზურაბ ბეჟაშვილმა და კოორდინატორმა ირაკლი ტიბუამ წარადგინეს; შეხვედრის ფარგლებში სტუდენტები გაეცნენ:
- სტუდენტური ომბუდსმენის ოფისის საქმიანობას;
- ომბუდსმენის როლს;
- სტუდენტური ომბუდსმენის ოფისის დაგეგმილ აქტივობებს.
შეხვედრა სამიზნე ჯგუფის აქტიური ჩართულობით, ინტერაქტიულ რეჟიმში წარიმართა.
სტუდენტური ომბუდსმენის ოფისი აღმოსავლეთ ევროპის უნივერსიტეტის დამოუკიდებელ ორგანოდ ფუნქციონირებს 2020 წლიდან. ის ხელს უწყობს სტუდენტების ინტერესების, უფლებებისა და თავისუფლებების დაცვას.
