ფიზიკური მენტალური და სოციალური კეთილდღეობის სამეცნიერო კვლევითი ცენტრი მიმდინარე სასწავლო წლიდან გეგმავს ყოველთვიურ თავისუფალი დასწრების სალექციო კურსს უმაღლესი საგანმანათლებლო დაწესებულების სტუდენტებისთვის. კურსი შეეხება სტუდენტების კეთილდღეობის სხვადასხვა ასპექტს, რომლებშიც გათვალისწინებული იქნება იუნესკოს საერთაშორისო ტექნიკურ სახელმძღვანელოში განხილული ყველა ძირითადი მიმართულება.
პროექტი გაეროს მოსახლეობის ფონდის (UNFPA) საქართველოს ოფისის მხარდაჭერით
ფიზიკური მენტალური და სოციალური კეთილდღეობის სამეცნიერო კვლევითმა ცენტრმა აღმოსავლეთ ევროპისა და ცენტრალური აზიის 8 ქვეყანასთან ერთად დაიწყო მუშაობა წიგნზე, რომელიც შეეხება სექსუალური განათლების შესახებ არსებულ გამოცდილებას და მიმდინარე სიტუაციას აღმოსავლეთ ევროპასა და ცენტრალურ აზიაში. წიგნში დეტალურად იქნება განხილული თითოეული ქვეყნის კონკრეტული მაგალითი. წიგნზე მუშაობის პროცესში ჩართულნი არიან ევროპის უნივერსიტეტების წამყვანი პროფესორები, რომლებსაც უკვე აქვთ აღნიშნული მიმართულებით მუშაობის გამოცდილება. პროექტი ხორციელდება გაეროს მოსახლეობის ფონდის (UNFPA) საქართველოს ოფისის მხარდაჭერით.
Capacity Building in Higher Education (Erasmus+)
Fostering students’ wellbeing in higher education institutions of Georgia – პროექტი, მზადდება აღმოსავლეთ ევროპის უნივერსიტეტისა და პარტნიორი უნივერსიტეტების სახელით: აღმოსავლეთ ევროპის უნივერისტეტი (EEU), ნიქოზიის უნივერსიტეტი (კვიპროსი), ალიკანტეს უნივერსიტეტი (ესპანეთი), ადამ მიცკევიჩის უნივერსიტეტი (პოლონეთი), სორბონის უნივერსიტეტი (საფრანგეთი).
COST 2024 პროექტი Inclusive Global Wellbeing Framework for Secondary Education Institutions (Well-Ed)
მიმდინარეობს COST 2024-ის პროექტისთვის Inclusive Global Wellbeing Framework for Secondary Education Institutions (Well-Ed) მზადება, რომლის ხელმძღვანელია სორბონის უნივერსიტეტი. პროექტში საქართველოდან ჩართულია აღმოსავლეთ ევროპის უნივერსიტეტის ფიზიკური, მენტალური და სოციალური კეთილდღეობის კვლევითი ცენტრი.