პედაგოგთა კონფერენცია – “მიგრაციის ფემინიზაცია და მისი გავლენა მოზარდებზე”

2022 წლის 2 აპრილს აღმოსავლეთ ევროპის უნივერსიტეტის ახალ კამპუსში გაიმართა პედაგოგთა კონფერენცია თემაზე – „მიგრაციის ფემინიზაცია და მისი გავლენა მოზარდებზე“. კონფერენციის მიზანს წარმოადგენდა შრომითი მიგრაციის ფემინიზაციის  ზეგავლენის შესწავლა მოზარდების ფსიქოლოგიურ მდგომარეობაზე, მათი განათლების ხარისხზე და ემიგრანტ დედებთან ურთიერთობის ეთიკურ-მორალურ მხარეზე.

კონფერენციაზე  მისასალმებელი სიტყვით გამოვიდნენ აღმოსავლეთ ევროპის უნივერსიტეტის რექტორი – ბატონი კახაბერ ლაზარაშვილი და ვიცე-რექტორი საერთაშორისო  და ადმინისტრაციულ საკითხებში – ქალბატონი თეა იმედაძე.

კონფერენციის პირველი ნაწილი გახსნა გერმანიის ჰაიდელბერგის გლობალური ჯანმრთელობის ინსტიტუტის დოქტორანტმა, გერმანიის გაცვლითი სამსახურის DAAD სტიპენდიანტმა – ხატია ანთიამ, რომელმაც წარმოადგინა  საერთაშორისო წყაროების მიმოხილვა მსოფლიოს სხვადასხვა მხარეში შინ-დარჩენილ ბავშვთა ჯანმრთელობასა და კეთილდღეობაზე შრომითი მიგრაციის გავლენის შესახებ.

კონფერენციის მეორე ნაწილი დაეთმო დისკუსიას, რომელშიც მონაწილეობა მიიღეს ფსიქოლოგებმა ქეთევან კობალაძემ და პაატა ამონაშვილმა, უნივერსიტეტისა და ამავე უნივერსიტეტის მიგრაციისა და დიასპორის კვლევითი ცენტრის თანამშრომლებმა.

კონფერენციას მოდერაციას უწევდა აღმოსავლეთ ევროპის უნივერსიტეტის მიგრაციისა და დიასპორის კვლევითი ცენტრის ხელმძღვანელი ქ-ნი ლელა გოგინავა.