2022 წლის 26 დეკემბერს, 18 საათზე, სამეცნიერო კვლევებისა და განვითარების დეპარტამენტის ორგანიზებით, გაიმართება ვარლამ ჩერქეზიშვილის სახ. ინტერდისციპლინური კვლევების ცენტრის ხელმძღვანელის პროფ. გიორგი თავაძის მიერ შედგენილი სახელმძღვანელოს პრეზენტაცია: „შესავალი პოლიტიკურ ფილოსოფიაში“.
სახელმძღვანელო შედგება 15 თემისგან, რომლებიც პოლიტიკური ფილოსოფიის საკვანძო საკითხებს მოიცავს. ყოველ თემას თან ერთვის საკვანძო ცნებებისა და პიროვნებების სია, შეკითხვები და დავალებები, რეკომენდებული ლიტერატურისა და ინტერნეტ-რესურსების ჩამონათვალი.
სახელმძღვანელო ელექტრონულ ფორმატშია წარმოდგენილი და ის თავისუფალი წვდომის რეჟიმში იქნება განთავსებული აღმოსავლეთ ევროპის უნივერსიტეტის ვებ-გვერდზე.
მომხსენებელი: ვარლამ ჩერქეზიშვილის სახ. ინტერდისციპლინური კვლევების ცენტრის ხელმძღვანელი, პროფ. გიორგი თავაძე;
პრეზენტაციის განხორციელების განრიგი: 26.12.2022, 18:00 საათზე;
სამუშაო ენა: ქართული;
ფორმატი: ჰიბრიდული (პირისპირ და დისტანციურად);
შეხვედრაზე დისტანციურად დასწრების ბმული: bit.ly/3j9x2jo (MS Teams);
პირისპირ ფორმატში შეხვედრის ადგილი: აღმოსავლეთ ევროპის უნივერსიტეტი, კომპიუტერული კლასი – 404.