საჯარო მმართველობა

• საჯარო მმართველობის ბაკალავრის ხარისხი 3 წელიწადში – საჯარო მმართველობის საბაკალავრო პროგრამა ერთ-ერთი პირველი სამწლიანი (180 კრედიტიანი) აკრედიტებული პროგრამაა საქართველოში, რომელიც გთავაზობს თანამედროვე და საერთაშორისო სტანდარტებზე მორგებულ განათლებას.
• პროგრამა სრულად ემყარება SIGMA-ს (ევროკავშირისა (EU) და ეკონომიკური თანამშრომლობისა და განვითარების ორგანიზაციის (OECD) ერთობლივი ინიციატივა) პრინციპებს და ფარავს საჯარო მმართველობის ექვსივე თემატურ მიმართულებას: სტრატეგია, პოლიტიკის შემუშავება და კოორდინაცია, საჯარო სამსახური და ადამიანური რესურსების მართვა, ორგანიზება, ანგარიშვალდებულება და ზედამხედველობა, სერვისების მიწოდება და გაციფრულება, საჯარო ფინანსების მართვა;
• საერთაშორისო გამოცდილებაზე დაფუძნებული სასწავლო პროგრამა – ითვალისწინებს ადგილობრივი და საერთაშორისო შრომის ბაზრის მოთხოვნებსა და უცხოური უნივერსიტეტების გამოცდილებას, მათ შორის,  გენტის უნივერსიტეტის (ბელგია), ფრანკფურტის გამოყენებითი მეცნიერების უნივერსიტეტის (გერმანია), კლაიპედას უნივერსიტეტის (ლიეტუვა), ფლორიდის საერთაშორისო უნივერსიტეტის (აშშ) და  მილანის უნივერსიტეტის (იტალია) საჯარო მმართველობის საბაკალავრო პროგრამებს.
• მაღალკვალიფიციური აკადემიური და მოწვეული პერსონალითა და პრაქტიკოსი სპეციალისტებით;
• პრაქტიკული და კვლევითი უნარების განვითარება – პროგრამა თეორიული ცოდნის პარალელურად ორიენტირებულია სტუდენტთა პრაქტიკული უნარების განვითარებაზე:

✅ სავალდებულო პრაქტიკა უნივერსიტეტის პარტნიორ საჯარო დაწესებულებებში
✅ საბაკალავრო ნაშრომი რეალურ პრობლემებზე დაფუძნებული კვლევებით
✅ მმართველობითი გადაწყვეტილებების, ანგარიშებისა და სხვა საჯარო მმართველობის დოკუმენტების პროექტების მომზადება, საჯარო მმართველობის სფეროში HR სტრატეგიების შემუშავება

•  გლობალური განათლების შესაძლებლობები  – პროგრამის სტუდენტებს საშუალება აქვთ საუნივერსიტეტო სტიპენდიით ისარგებლონ გაცვლით პროგრამებში, ადგილობრივი და საერთაშორისო სტუდენტური კონფერენციებში, ასევე ზამთრისა და ზაფხულის სკოლებში  ევროპის საჯარო სამართლის ორგანიზაციის (European Public Law Organization – EPLO) წევრ ყველა უნივერსიტეტში;
• საერთაშორისო ორგანიზაციების წევრობა –  EUA (ევროპის უნივერსიტეტების ასოციაცია),  EPLO (ევროპის საჯარო სამართლის ორგანიზაცია) წევრობა უნიკალურ შესაძლებლობას აძლევს სტუდენტს, მონაწილეობა მიიღოს აღნიშნული ორგანიზაციების მიერ ორგანიზებულ  საგანმანათლებლო პროექტებსა   და სხვა საერთაშორისო საგანმანათლებლო აქტივობებში;
• თანამედროვე საგანმანათლებლო რესურსებზე წვდომა – უნივერსიტეტის ბიბლიოთეკაში სტუდენტისთვის ხელმისაწვდომია უახლესი ქართული და ინგლისურენოვანი სასწავლო და პრაქტიკული ლიტერატურა, ასევე საერთაშორისო საბიბლიოთეკო სისტემები;
• პრიორიტეტულია ინდივიდუალური, სტუდენტზე ორიენტირებული სწავლების მეთოდები და აქტივობები.

საჯარო მმართველობის საბაკალავრო საგანმანათლებლო პროგრამის კურსდამთავრებული შეიძლება დასაქმდეს საჯარო სექტორში, სადაც მოითხოვება საჯარო მმართველობის   ბაკალავრის აკადემიური ხარისხი. კერძოდ:

• საკანონმდებლო და აღმასრულებელი ხელისუფლების ორგანოების ადმინისტრაციულ რგოლებში;
• ადგილობრივი თვითმმართველობისა და მმართველობის ორგანოებში;
• საჯარო დაწესებულებებში, მათ შორის საჯარო სამართლის იურიდიულ პირებში;
• შესაბამისი პროფილის არასამეწარმეო (არაკომერციულ) იურიდიულ პირებში, მათ შორის საერთაშორისო ორგანიზაციებში.

• ხარისხის უზრუნველყოფის წარმატებული სისტემა: ხარისხის უზრუნველყოფა EEU-ს ყოველდღიური საქმიანობა და ყველა დაინტერესებული მხარის პასუხისმგებლობაა; სტუდენტების მართვის პროცესებში მაღალი ჩართულობა (სტუდენტური თვითმმართველობა, ფაკულტეტებისა და წარმომადგენლობითი საბჭოების წევრობა და ა.შ.)
• საუკეთესო თანამედროვე ინფრასტრუქტურა და სწავლების თანამედროვე ელექტრონული სერვისები: უახლესი საინფორმაციო და საკომუნიკაციო ტექნოლოგიები, დაფები, სპორტულ-გამაჯანსაღებელი სივრცეები, თანამედროვე ბიბლიოთეკა და კვლევითი ცენტრები, Microsoft Teams-ის ლიცენზირებული პროგრამა, EEU-EL, სტუდენტთა მობილური აპლიკაციები, SMS-პანელი, ინტერაქტიული SMART დაფები და ა.შ.
• კარიერული მხარდაჭერისა და უწყვეტი პროფესიული განვითარების სერვისები: დასაქმება და სტაჟირება უნივერსიტეტის პარტნიორ 300-ზე მეტ ორგანიზაციაში, შიდა საუნივერსიტეტო სტაჟირების სერვისი; ტრენინგები, სასერტიფიკატო კურსები, ვორკშოპები და სასწავლო ვიზიტები საერთაშორისო პარტნიორ უნივერსიტეტებში;
• ფინანსური მხარდაჭერის სერვისები: საუნივერსიტეტო სტიპენდია – 4800 ლარი, სპორტულ-კულტურული და კვლევითი შიდა საუნივერსიტეტო გრანტი – 5000 ლარი, ერთჯერადი ჯილდო, წარჩინებულ სკოლადამთავრებულთა სასწავლო გრანტი, სწავლის საფასურის გადახდის მოქნილი სისტემა;
• სამედიცინო მომსახურებისა და ფსიქოლოგიური მხარდაჭერის სერვისები: უფასო სამედიცინო დაზღვევა და ფსიქოლოგიურ მომსახურება/კონსულტაცია;
• საინტერესო სტუდენტური ცხოვრება: სტუდენტური სპორტული, კულტურული და შემეცნებითი კლუბები, სტუდენტური ორგანიზაციები;
• სტუდენტთა ინტერესებისა და უფლებების დაცვაზე ორიენტირებული სერვისები: სტუდენტური ომბუდსმენის ოფისი
• ხელმისაწვდომობის უზრუნველყოფაზე მიმართული სერვისები: სწავლის უნივერსალური დიზაინი (UDL)

• დეტალური ინფორმაცია სხვა მრავალფეროვანი სტუდენტური სერვისების შესახებ იხ. ბმულზე: https://eeu.edu.ge/portfolio/services/