ხარისხის უზრუნველყოფის სამსახური უნივერსიტეტის მისიისა და მიზნების აღსრულებისთვის ისწრაფვის დაამკვიდროს უნივერსიტეტში ხარისხის კულტურის ერთიანი გაგება, რისთვისაც იგი უზრუნველყოფს უნივერსიტეტში არსებულმა ყველა როგოლმა და ხარისხის უზრუნველყოფის პროცესში მონაწილე პირებმა სრულფასოვნად მიიღონ ინფორმაცია უნივერსიტეტის შიდა ხარისხის უზრუნველყოფის მექანიზმების და მათი ეფექტიანობის შეფასების, ასევე ხარისხის შეფასების შედეგების გამოყენების პროცედურის შესახებ, რათა თითოეულმა მათგანმა უზრუნველყოს საკუთარი საქმიანობის ხარისხის უზრუნველყოფა და ხელი შეუწყოს უნივერსიტეტში ხარისხის კულტურის დანერგვასა და ფართოდ გავრცელებას.
ხარისხის უზრუნველყოფის სამსახური ეფუძნება ეროვნულ და საერთაშორისო სტანდარტებს და უზრუნველყოფს აღმოსავლეთ ევროპის უნივერსიტეტის საქმიანობის ხარისხის შეფასებასა და განვითარებას.
ხარისხის უზრუნველყოფის სამსახურის მიზანია უზრუნველყოს შიდა ხარისხის უზრუნველყოფის მექანიზმების უწყვეტად და სისტემურად გამოყენების პროცესების ადმინისტრირება და უნივერსიტეტის საქმიანობის ხარისხის გაუმჯობესების ხელშეწყობა შიდა და გარე შეფასების შედეგებზე დაყრდნობით.
ხარისხის უზრუნველყოფის სამსახური თანამშრომლობს საქართველოს და საზღვარგარეთის სხვა უმაღლესი საგანმანათლებლო დაწესებულებების შესაბამის სტრუქტურებთან, საერთაშორისო ორგანიზაციებთან და საერთაშორისო ექსპერტებთან, ხარისხის უზრუნველყოფის სისტემის საუკეთესო პრაქტიკის გაზიარებისა და მათი უნივერსიტეტში დანერგვის მიზნით.
სამსახური ხარისხის უზრუნველყოფის პროცესების უზრუნველსაყოფად უწყვეტად და კოორდინირებულად თანამშრომლობს დაინტერესებულ პირებთან. ამასთან ორიენირებულია რომ სამსახურის საქმიანობის შედეგები ხელმისაწვდომი იყოს ყველა დაინტერესებული პირებისათვის.
ხარისხის უზრუნველყოფის სამსახური ყოველი სასწავლო წლის ბოლოს წლიური ანგარიშით წარსდგება უნივერსიტეტის წარმომადგენლობითი საბჭოს წინაშე.
EEU-ს ხარისხის უზრუნველყოფის სამსახური წარმოდგენილია კომპეტენტური, საექსპერტო გამოცდილებისა და უმაღლეს საგანმანათლებლო დაწესებულების საქმიანობის სპეციფიკის ცოდნითა და გამოცდილებით აღჭურვილი მოტივირებული გუნდი.
ხარისხის უზრუნველყოფის სამსახურის, როგორც უნივერსიტეტში ხარისხის მენეჯმენტსა და შეფასებაზე პასუხისმგებელი რგოლის, ძირითადი შედეგი გამოიხატება გაცემული რეკომენდაციების შესრულებაში.
სამსახური იყენებს პროაქტიული მიდგომას პროცესებში მონაწილე დაინტერესებული მხარეების (სტუდენტების, პერსონალი, კუსრდამთვერებულები, დამსაქმებლები, პარტნიორი ორგანიზაციები) მაღალი ჩართულობის მისაღწევად მათგან შესაბამისი უკუკავშირის მისაღებად.
ხარისხის უზრუნველყოფის სამსახურის საქმიანობის წარმატებასა და განხორციელებული შეფასებების მაღალ ხარისხზე მიუთითებს საგანმანათლებლო პროგრამების რეაკრედიტაციის მიზნით განხორციელებული გარე შეფასების დადებითი შედეგები: წარმატებით გავლილი აკრედიტაციის პროცესები, ასევე შიდა კვლევების შედეგები, რითაც დასტურდება როგორც ხარისხის უზრუნველყოფის მექანიზმების ეფექტიანობით, ასევე სამსახურის საქმიანობით კმაყოფილება.
ხარისხის უზრუნველყოფის სამსახურის ძალისხმევა მიმართულია, როგორც ხარისხის უზრუნველყოფის სისტემის, ასევე ხარისხის უზრუნველყოფის პროცესებზე პასუხისმგებელი გუნდის უნარების მუდმივ განვითარებასა და შესაძლებლობების გაძლიერებაზე, რათა აღმოსავლეთ ევროპის უნივერსიტეტში დანერგილი ხარისხის უზრუნველყოფის სისტემა იყოს საერთაშორისო სტანდარტებთან შესაბამისი, ხოლო სამსახურის საქმიანობა სანდო, ხარისხიანი და ეფექტიანი!