EEU ორიენტირებულია იმუშაოს მაღალხარისხიანი გზით, დრო და რესურსი იყოს მიმართული საუნივერსიტეტო საზოგადოების თითოეული წევრის ძირითადი მოვალეობების, კერძოდ, სწავლა-სწავლებისა და კვლევის მიმართულებით.
EEU-ს საუნივერსიტეტო საზოგადოების თითოული წევრი იზიარებს პასუხისმგებლობას ხარისხის უზრუნველყოფის სისტემის იმპლემენტაციისთვის. ამისათვის ისინი მაქსიმალურად ავლენენ საკუთარ შესაძლებლობებს და ზედმიწევნით ასრულებენ საკუთარ მოვალეობებს: ზედამხედველობის, ხელმძღვანელობისა თუ შემსრულებლის მანდატით. აქვთ უკუკავშირი გამოკითხვებსა და განვითარების დისკუსიებში მონაწილეობით.
პასუხისმგებლობა ხარისხის სისტემისთვის შეესაბამება უნივერსიტეტის მენეჯმენტისთვის განსაზღვრულ პასუხისმგებლობას: ფაკულტეტის დეკანები პასუხისმგებელნი არიან თავიანთი ფაკულტეტის ხარისხის სისტემაზე, ხოლო დეპარტამენტების/ცენტრების/სამსახურების ხელმძღვანელები საკუთარი სტრუქტურული ერთეულის. თითოეული მათგანი მნიშვნელოვან როლს ასრულებს ხარისხის უზრუნველყოფაში.
EEU -ს მდგრადი წარმატების მიღწევის შესაძლებლობას აძლიერებს ხარისხის კულტურის დანერგვა და გავრცელება ინდივიდუალურ და ინსტიტუციურ დონეზე. საუნივერსიტეტო საზოგადოების ყველა წევრი მონაწილეობს პროცესში, რომელშიც ქმნის ყველანაირ წინაპირობას მაღალი ხარისხის სწავლა-სწავლებისა და კვლევისთვის.
ხარისხის კულტურა გამოიხატება პერსონალისა და სტუდენტების მაღალ პასუხისმგებლობაში მათი მუშაობისა და სწავლისადმი. პერსონალი და სტუდენტები საქმიანობენ და თანამშრომლობენ უნივერსიტეტის ღირებულებებისა და მიზნების შესაბამისად და იცავენ ხარისხის საერთო პოლიტიკას. ისინი ასევე იზიარებენ კარგ პრაქტიკას, მონაწილეობენ უწყვეტი შეფასების პროცესში, საკუთარი კომპეტენციის ფარგლებში მონაწილეობენ ინსტიტუციის განვითარების კონტექსტის ფორმირებაში, ზრუნავენ მათი მონაწილეობით წარმოებული პროცესების გაუმჯობესებაზე და მიისწრაფიან სიახლეებისადმი.
EEU – ში ხარისხის უზრუნველყოფის სისტემის თანმიმდევრულ და ეფექტიან იმპლემენტაციაზე პასუხისმგებელია ხარისხის უზრუნველყოფის სამსახური, რომელიც უნივერსიტეტის მმართველი რგოლის სტრუქტურულ ერთეულს წარმოადგენს.