აღმოსავლეთ ევროპის უნივერსიტეტის (EEU) სრული დაფინანსებით 2023 წლის 9 ივნისს EEU-ს იურიდიულ და სოციალურ მეცნიერებათა ფაკულტეტის სტუდენტები ეწვივნენ საკონსტიტუციო სასამართლოს ქალაქ ბათუმში.
სასწავლო ვიზიტის ფარგლებში სტუდენტები ადგილზე გაეცნენ საკონსტიტუციო სასამართლოს მუშაობის სპეციფიკას და დაესწრნენ სასამართლო სხდომას.
ღონისძიების მეორე ეტაპი დაეთმო საჯარო ლექციას, რომელიც სპეციალურად აღმოსავლეთ ევროპის უნივერსიტეტის სტუდენტებისთვის საკონსტიტუციო სასამართლოს უფლებამოსილებების შესახებ წაიკითხა მოსამართლის უფროსმა თანაშემწემ, გიორგი ხაზალიამ. შეხვედრა მსმენელთა აქტიური ჩართულობით წარიმართა.
სასწავლო ვიზიტის ბოლოს სტუდენტებმა დაათვალიერეს სასამართლოს შენობა და გადაიღეს სამახსოვრო ფოტოები.