აღმოსავლეთ ევროპის უნივერსიტეტის (EEU) იურიდიულ და სოციალურ მეცნიერებათა ფაკულტეტისა და ფსიქოლოგიური საკონსულტაციო ცენტრ ,,იდილიას” ერთობლივი ორგანიზებით მიმდინარე წლის 26 ნოემბერს, 16:00 საათზე გაიმართება სემინარი: ,,ბიოენერგეტიკული ანალიზის ფსიქოთერაპიული მეთოდი“.
სემინარის თემატიკა
- ბიოენერგეტიკული ანალიზის წარმოშობის ისტორია;
- კავშირი ფსიქოანალიზთან;
- ბიოენერგეტიკული ანალიზი – როგორც სხეულზე ცენტრირებული ფსიქოთერაპიული მეთოდი და მისი მუშაობის პრინციპი.
სპიკერი: გი ტონელა (Guy Tonella) – კლინიკური ფსიქოლოგის დოქტორი (ტულუზის უნივერიტეტი, საფრანგეთი); ბიოენერგეტიკული ანალიზის საერთაშორისო ინსტიტუტის (IIBA) საერთაშორისო ტრენერი.
გი ტონელა 20 წლის განმავლობაში ასწავლიდა ფსიქოლოგიას ტულუზის უნივერსიტეტში, ჩართული იყო სამაგისტრო პროგრამებში „მედიაციური თერაპია“ და „სხეულზე ცენტრირებული ფსიქოთერაპია“. აქვს 40 წლიანი პრაქტიკა ბიოენერგეტიკულ ანალიზში. არის SNPPSY-ის (საფრანგეთის ეროვნული ფსიქოლოგიური სამსახური) სრულუფლებიანი წევრი და ტრენერი. აქვს ფსიქიატრიულ კლინიკაში, ფსიქოზებთან მუშაობის გამოცდილება. არის ბიოენერგეტიკული ანალიზის საერთაშორისო პროგრამების ხელმძღვანელი ევროპის ქვეყნებში, ასევე ბრაზილიაში, არგენტინაში, კანადაში, ახალ ზელანდიასა და ჩინეთში. არის ექვსი წიგნისა და ორმოცდაათამდე სტატიის ავტორი/თანაავტორი.
სამიზნე ჯგუფი – EEU ფსიქოლოგიის საბაკალავრო პროგრამის სტუდენტები და პერსონალი, დარგით დაინტერესებული პრაქტიკოსები.
სემინარის განხორციელების განრიგი: 26 ნოემბერი, 16:00 სთ
ხანგრძლივობა: 2 საათი
ადგილი: აღმოსავლეთ ევროპის უნივერსიტეტი, საკონფერენციო დარბაზი – 401
სამუშაო ენა: ინგლისური; შეხვედრაზე უზრუნველყოფილი იქნება თარგმანი.
ღონისძიებაზე დასასწრებად გთხოვთ, გაიარეთ წინასწარი რეგისტრაცია ბმულზე