ფსიქოლოგიისა და ნეირო-მეცნიერების კვლევითი ცენტრი წარმოადგენს უნივერსიტეტის სტრუქტურულ კვლევით ერთეულს, რომლის მიზანია თანამედროვე ნეიროტექნოლოგიური და ბიომეტრიული აპარატურის გამოყენებით სხვადასხვა ტიპის ანალიტიკური და სამეცნიერო სამუშაოების განხორციელება და ამ გზით ფსიქოლოგიის როგორც მეცნიერების განვითარება საქართველოში; ინოვაციური მიგნებების გაკეთება, საერთაშორისო ინოვაციური და ერთობლივი კვლევების განხორციელება და მსოფლიოში საქართველოს სამეცნიერო სტატუსის ამაღლება;
ცენტრის ბაზაზე 2019 წელს შეიქმნა ლაბორატორია Z, რომელიც შექმნისთანავე აღიჭურვა მაღალ-ტექნოლოგიური ქცევისა და ნეირო-მარკეტინგის შემსწავლელი აპარატურით. პირველ ეტაპზე განხორციელდა ევროპელი ექსპერტების მიერ ცენტრის პერსონალის გადამზადება ზემოთ აღნიშნული აპარატურისა და ხელსაწყოების გამოყენების მიზნით და მოხდა ცენტრის საქმიანობაში მაღალტექნოლოგიური აპარატურის ადაპტირება. დღემდე ცენტრს განხორციელებული აქვს 10-მდე კვლევითი პროექტი და ამჟამად ახორციელებს ორ კვლევით პროექტს. ცენტრის მიზნების განსახორციელებლად მნიშვნელოვან ფაქტორს წარმოადგენს უნივერსიტეტში ფსიქოლოგიის საგანმანათლებლო პროგრამების დანერგვა და სტუდენტების ცენტრის საქმიანობაში აქტიურად ჩართვა.