სასერტიფიკატო კურსის შესახებ
აღმოსავლეთ ევროპის უნივერსიტეტის (EEU) უწყვეტი განათლების ცენტრი EEU-ს ადამიანური რესურსების მართვის სამაგისტრო პროგრამის სტუდენტებისა და კურსდამთავრებულებისთვის აცხადებს მიღებას ტრენინგ-კურსზე: ,,შრომის სამართალი ადამიანური რესურსების მართვაში’’.
კურსის მიზანია, ადამიანური რესურსების მართვის დამწყებმა სპეციალისტებმა შეისწავლონ შრომის სამართლის ის საკითხები, რომელთა ცოდნაც მათ დაეხმარებათ, თავიანთ ორგანიზაციებში შექმნან სამართლებრივად გამართული HR პოლიტიკები, პროცედურები და ამით უზრუნველყონ ჯანსაღი სამუშაო გარემოს არსებობა თანამშრომლებისათვის, დამსაქმებლისათვის.
ტრენინგ-კურსის დასრულების შემდეგ მსმენელი შეძლებს მოქმედი კანონმდებლობის დაცვით, შექმნას თანამშრომლისათვის უსაფრთხო, დაცული სამუშაო გარემო და შრომითი ურთიერთობის მოწყობის შესახებ კონსულტირება გაუწიოს დამსაქმებელს.
კურსის თემატიკა/პროგრამა
- შრომის სამართალი ადამიანური რესურსების მართვაში; მოქმედი კანონმდებლობა და პრინციპები
- დისკრიმინაცია შრომით ურთიერთობაში; წინასახელშეკრულებო ურთიერთობა;
- შრომითი ხელშეკრულება და მისი არსებითი პირობები, შრომითი ხელშეკრულება – პრაქტიკული დოკუმენტი
- სამართლებრივი ტექნიკის გამოყენების პრინციპები; ინდივიდუალური ადმინისტრაციულ-სამართლებრივი აქტის – ბძრანების მომზადება
- სტაჟირება; გამოსაცდელი ვადა; მივლინება; შესაბამისი სამართლებრივი აქტების მომზადება პროფესიული განვითარება;
- პროფესიული განვითარებისათვის პრაქტიკული დოკუმენტის მომზადება; შრომის შინაგანაწესი; სამუშაო დრო; ზეგანაკვეთური სამუშაო
- შრომითი ურთიერთობის შეჩერება; შრომითი ურთიერთობის შეწყვეტა; შესაბამისი სამართლებრივი დოკუმენტების მომზადება
სასწავლო კურსის პროგრამა დეტალურად იხილეთ ბმულზე: https://eeu.edu.ge/wp-content/uploads/2022/10/programa.pdf
ტრენერები
ტრენინგ-კურსს გაუძღვება:
ეკატერინე ფურცელაძე – საქართველოს რეგიონული განვითარებისა და ინფრასტრუქტურის სამინისტროს სახელმწიფო საქვეუწყებო დაწესებულება – საქართველოს საავტომობილო გზების დეპარტამენტის ადამიანური რესურსების მართვის სამსახურის უფროსი, აღმოსავლეთ ევროპის უნივერსიტეტის ადამიანური რესურსების მართვის სამაგისტრო პროგრამის კურსდამთავრებული, დეტალურად იხ. ბმულზე: https://eeu.edu.ge/furceladze-eka/
სასწავლო პროცესის მიმდინარეობა
კურსის ხანგრძლივობა და დაწყების თარიღი:
- კურსის დაწყების/დასრულების თარიღი: 29.10.2022- 10.12.2022
- შეხვედრებისა და თითოეული სესიის ხანგრძლივობა: კვირაში ერთი შეხვედრა, თითოეული შეხვედრის ხანგრძლივობა – 2 საათი (შაბათი, 19:00 სთ-დან – 21:00 სთ.-მდე)
- საკონტაქტო საათების რაოდენობა ჯამში: 14 საათი
საუნივერსიტეტო დაფინანსება: აღმოსავლეთ ევროპის უნივერსიტეტიის სტუდენტებისა და კურსდამთავრებულებისთვის მოქმედებს საუნივერსიტეტო სრული დაფინანსება და მათთვის კურსი არის უფასო
სამუშაო ენა: ქართული
სამიზნე ჯგუფი: აღმოსავლეთ ევროპის უნივერსიტეტის ადამიანური რესურსების მართვის სამაგისტრო პროგრამის სტუდენტები და კურსდამთავრებულები
ტრენინგ-კურსის განხორციელების ფორმატი:
- კურსი განხორციელდება დისტანციურ ფორმატში, Microsoft Teams პლატფორმის გამოყენებით
ტრენინგ-კურსზე დასწრების ბმული: https://bit.ly/3gEDduP
კურსზე მიღების პროცედურა/დაშვების წინაპირობა:
სასერტიფიკატო კურსით დაინტერესებულმა პირმა რეგისტრაციისთვის უნდა შეავსოს სააპლიკაციო ფორმა: https://forms.gle/sLYmWFBttmbJBtS67
რეგისტრაციის ბოლო ვადა: 2022 წლის 28 ოქტომბერი
ტრენინგ-კურსისთვის წინამოსამზადებელი დისკუსია
ტრენინგ-კურსის მონაწილეებს შეუძლიათ, გამოხატონ თავიანთი მოსაზრებები თემის ირგვლივ (,,შრომის სამართალი ადამიანური რესურსების მართვაში’’) და დასვან შეკითხები Padlat პლატფორმის მეშვეობით. იხილეთ Padlat ბმული: https://padlet.com/mliklikadze/47266bngh90dp3hn