ფონდი „Leaders of Change’’ აცხადებს ღია კონკურსს ლენ კირკლენდის სასტიპენდიო პროგრამის კონკურსს 2024 – 2025 აკადემიური წლისთვის პოლონეთში. პროგრამის ავტორი და დამფუძნებელი არის პოლონეთ-ამერიკის თავისუფლების ფონდი და ხორციელდება პოლონეთის აკადემიური გაცვლის ეროვნული სააგენტოს (NAWA) ფინანსური მხარდაჭერით.
Lane Kirkland-ის სასტიპენდიო პროგრამა უკვე თითქმის 24 წელია მხარს უჭერს აღმოსავლეთ ევროპის, სამხრეთ კავკასიისა და ცენტრალური აზიის რიგი სახელმწიფოების ახალგაზრდა, ამბიციური და აქტიური მოქალაქეების ინდივიდუალურ განვითარებას. პროგრამის მიზანია ევროკავშირთან პოლიტიკური ტრანსფორმაციისა და ინტეგრაციის პოლონური გამოცდილების გაზიარება. პროგრამის 1000-ზე მეტი კურსდამთავრებული ჯგუფში შედიან მთავრობების წევრები, დეპუტატები, დიდი მრავალეროვნული კომპანიების მენეჯერული პერსონალი, ადგილობრივი ხელისუფლების ხელმძღვანელები და ცნობილი სოციალური აქტივისტები.
პროგრამა მოიცავს პოლონეთის ოთხი აკადემიური ცენტრიდან ერთ-ერთში (ვარშავა, კრაკოვი, ვროცლავი, ლუბლინი) ორი სემესტრის განმავლობაში სწავლას და მინიმუმ ორკვირიან პროფესიულ სტაჟირებას სახელმწიფო, კერძო ან არასამთავრობო ორგანიზაციებში, ასევე ტრენინგებსა და სემინარებს.