2024 წლის 3 თებერვალს, აღმოსავლეთ ევროპის უნივერსიტეტის ჯანდაცვის მეცნიერებათა ფაკულტეტისა და სამეცნიერო კვლევებისა და განვითარების დეპარტამენტის მხარდაჭერით, სტუდენტურმა კლუბმა Neurozeal-მა ტვინის პირველი სიმპოზიუმი 2024 გამართა. სიმპოზიუმი ორიენტირებული იყო ალცჰეიმერის დაავადების, როგორც ოცდამეერთე საუკუნის გლობალური გამოწვევის ეტიოლოგიაზე, პათოგენეზზე, განვითარების თავისებურებებზე და მკურნალობის თანამედროვე მიდგომებზე.
კონფერენცია ჯანდაცვის მეცნიერებათა ფაკულტეტის დეკანის მოადგილემ ელენე ზურაბიშვილმა გახსნა, რომელსაც მოდერატორობას ასოცირებული პროფესორი, ფსიქიატრი ნანა ზავრადაშვილი და მოწვეული პროფესორი, ნეიროქირურგი ლიკა ხორბალაძე უწევდნენ.
ღონისძიებას საქართველოს სხვადასხვა უმაღლესი სასწავლებლებიდან ასზე მეტი დიპლომირებული მედიკოსის პროგრამის სტუდენტი ესწრებოდა.
კონფერენციის დასრულების შემდეგ მონაწილეებს სერტიფიკატები გადაეცათ.
