ცხადდება კონკურსი თურქეთის სასტიპენდიო საზაფხულო კვლევის პროგრამის ფარგლებში. აღნიშნული პროგრამა განკუთვნილია ბაკალავრიატის სტუდენტებისთვის, რომელთა ინტერესის სფეროს კვლევითი მიმართულებები წარმოადგენს. დაინტერესებულ სტუდენტებს განაცხადების წარდგენა შეუძლიათ ონლაინ შემდეგი ელ.ბმულის მეშვეობით: https://pure.sabanciuniv.edu/node/add/application
სასტიპენდიო პროგრამაზე განაცხადების მიღება წარმოებს მიმდინარე წლის 11 აპრილამდე.
თურქული მხარე გამარჯვებულ სტუდენტებს დაუფინანსებს სწავლის, ფრენის, საბანჯის უნივერსიტეტის კამპუსში განთავსებისა და სოციალურ-კულტურული აქტივობების ხარჯებს. ასევე, უნივერსიტეტი სტუდენტებს გამოუყოფს ყოველთვიურ სტიპენდიას – 9000 თურქულ ლირას.
სასტიპენდიო პროგრამა მოიცავს 8 კვირას (7 ივლისი – 28 აგვისტო).
დეტალური ინფორმაცია საზაფხულო კვლევითი პროგრამის თაობაზე ხელმისაწვდომია შემდეგ ვებ-გვერდზე: https://pure.sabanciuniv.edu