აღმოსავლეთ ევროპის უნივერსიტეტის მონაწილეობით, საერთაშორისო კონსორციუმის პროექტი (ID# 22210127) „ბიზნესის პრობლემების ინტერაქტიული ვებ პორტალი“/Business Problems Interactive Web Portal, ვიშეგრადის საერთაშორისო ფონდის 2022 წლის საგრანტო კონკურსის გამარჯვებულია! აღმოსავლეთ ევროპის უნივერსიტეტის მონაწილეობით, საერთაშორისო კონსორციუმის პროექტი (ID# 22210127) „ბიზნესის პრობლემების ინტერაქტიული ვებ პორტალი“/Business Problems Interactive Web Portal, ვიშეგრადის საერთაშორისო ფონდის 2022 წლის საგრანტო კონკურსის გამარჯვებულია! საერთაშორისო კონსორციუმის წევრები:
- ფინანსების და ადმინისტრირების უნივერსიტეტი (პრაღა, ჩეხეთი);
- აღმოსავლეთ ევროპის უნივერსიტეტი/ EEU (თბილისი, საქართველო);
- მცირე და საშუალო საწარმოთა ასოციაცია/ GSMEA (თბილისი, საქართველო);
- ზილინას უნივერსიტეტი/ UNIZA (ზილინა, სლოვაკეთი);
- ლოძის უნივერსიტეტი/ ტექნოლოგიების ტრანსფერის ცენტრი (ლოძი, პოლონეთი);
- ბუდაპეშტის მეწარმეობის სააგენტო – BEA (ბუდაპეშტი, უნგრეთი).
პროექტი ითვალისწინებს აღმოსავლეთ ევროპის უნივერსიტეტის გამოყენებითი კვლევების მრავალფუნქციური ცენტრის მიერ შემუშავებული ინოვაციური მიდგომით, ინტერაქტიული პორტალისა და მასთან ინტეგრირებული გლობალური საინფორმაციო ქსელის გამოყენებით მცირე და საშუალო ბიზნესის წინაშე არსებული პრობლემების გადაჭრას.
პროექტი ასევე ორიენტირებულია შექმნას ქმედითი პირობები ბიზნესისა და აკადემიურ ინსტიტუციებს შორის მჭიდრო პარტნიორული თანამშრომლობისთვის.
პროექტის მეშვეობით მიღებული შედეგები ხელს შეუწყობს საქართველოსა და ვიშეგრადის ქვეყნებში მცირე და საშუალო ბიზნესის კონკურენტუნარიანობის ამაღლებას, დასაქმების ხელშეწყობას, საერთაშორისო პარტნიორული კავშირების განმტკიცებას, უნივერსიტეტებში კვლევითი და სასწავლო პროცესების ინტეგრაციის დონის ამაღლებას, უნივერსიტეტებში კვლევითი საქმიანობისათვის დამატებითი სახსრების მოძიებასა და პროექტში სტუდენტების ფართო ჩართულობით მაღალკვალიფიციური სპეციალისტების მომზადებას.