აღმოსავლეთ ევროპის უნივერსიტეტი დიდი ბრიტანეთის მკვლევართა პოტენციალის განმახორციელებელ პროგრამაში – Vitae (Realizing the potential of researchers) გაწევრიანდა.
Vitae – გლობალური ლიდერია იმ მკვლევართა პროფესიული განვითარების მხარდაჭერის გზაზე, რომლებიც ხელს უწყობენ უნივერსიტეტების კვლევებისა და ინოვაციების განვითარებას. იგი კარიერული კვლევებისა და საკონსულტაციო ცენტრის (CRAC-Careers Research & Advisory Centre), ნაწილს წარმოადგენს, რომელსაც მკვლევართა უნარ-ჩვევების განვითარებაზე ზრუნვის 50 წლიანი გამოცდილება აქვს.
Vitae -ს პარტნიორები არიან სამთავრობო, პროფესიული და კვლევების დამფინანსებელი ორგანოები, ასევე საგანმანათლებლო დაწესებულებები და დონორი ორგანიზაციები.
აღმოსავლეთ ევროპის უნივერსიტეტის Vitae-ში გაწევრიანებით ხელი შეეწყობა მკვლევარების პროფესიულ განვითარებას მათი პოტენციალის სრულად გამოყენების გზით, ასევე უნივერსიტეტის მიერ სტრატეგიის სწორად განხორციელებასა და ხარისხიანი განათლების უზრუნველყოფას წევრი ორგანიზაციების კარგი პრაქტიკის გაზიარების გზით.
აღმოსავლეთ ევროპის უნივერსიტეტის მკვლევარებს Vitae-ში გაწევრიანებით შესაძლებლობა აქვთ:
- მონაწილეობა მიიღონ Vitae-ს მიერ ორგანიზებულ კონფერენციებში, ვორკშოპებსა თუ სხვა კვლევით აქტივობებში;
- ჰქონდეთ წვდომა Vitae-ს ონლაინ რესურსებზე, კერძოდ:
- სატრენინგო მასალებზე;
- ექსპერტთა ვებგვერდზე;
- კვლევით პროექტებზე;
- პუბლიკაციებზე;
- ანგარიშებზე.
აკადემიურ და ადმინისტრაციულ პერსონალს შესაძლებლობა აქვთ ჰქონდეთ წვდომა:
- სატრენინგო მასალებზე;
- სახელმძღვანელოებზე;
- პროფესიონალთა მუშაობის კარიერულ ჩარჩოზე;
მათ შეეძლებათ სპეციალური ფასდაკლებით ისარგებლონ vitae-ს მიერ ორგანიზებულ ღონისძიებებში (მათ შორის წლიურ საერთაშორისო კონფერენციაში) მონაწილეობისას და მკვლევართა განვითარების დამგეგმავი ჩარჩოს (RDF planner) გამოყენებისას.
იხილეთ ბმულზე (https://www.vitae.ac.uk/membership/vitae-membership-subscribers#Aberdeen) Vitaes-წევრი ორგანიზაციების ჩამონათვალი.