აღმოსავლეთ ევროპის უნივერსიტეტის (EEU) ფიზიკური, მენტალური და სოციალური კეთილდღეობის სამეცნიერო კვლევითი ცენტრი იწყებს ვორქშოპების სერიას.
ღონისძიების მიზანია საგანმანათლებლო ორგანიზაციებში ფიზიკური და მენტალური ჯანმრთელობის მიმართ ჰოლისტიკური მიდგომის დანერგვის ხელშეწყობა, რომელიც უზრუნველყოფს პროცესში ჩართულ პირთა ჯანმრთელობასა და კეთილდღეობას.
თემატიკა/პროგრამა:
შეხვედრა I: ფიზიკური, მენტალური და სოციალური კეთილდღეობა;
შეხვედრა II: სტუდენტების კეთილდღეობის გავლენა მათ აკადემიურ მოსწრებაზე;
შეხვედრა III: აკადემიური პერსონალის კეთილდღეობაზე მოქმედი ფაქტორები.
ვორქშოპების სერია დაიწყება მარტის თვიდან. განრიგი გამოქვეყნდება ყოველი შეხვედრის წინ.
ვორქშოპების სერიას წარუძღვება აღმოსავლეთ ევროპის უნივერსიტეტის (EEU) რექტორი, პროფესორი კახაბერ ლაზარაშვილი. ღონისძიებაში მომხსენებლის სტატუსით ასევე მონაწილეობენ EEU-ს აკადემიური პერსონალი, გაეროს ოჯახის დაგეგმარების ფონდის (UNFPA) ექსპერტები, ადგილობრივი და საერთაშორისო ორგანიზაციების წარმომადგენლები.
სამიზნე ჯგუფი: აღმოსავლეთ ევროპის უნივერსიტეტის სტუდენტები, კურსდამთავრებულები, თანამშრომლები, ნებისმიერი დაინტერესებული პირი.
სამუშაო ენა: ქართული
ფორმატი: პირისპირ
ლოკაცია: აღმოსავლეთ ევროპის უნივერსიტეტი, საკონფერენციო დარბაზი – 401