აღმოსავლეთ ევროპის უნივერსიტეტის რექტორი კახაბერ ლაზარაშვილი და ჯანდაცვის მეცნიერებათა ფაკულტეტის დეკანის მოადგილე ელენე ზურაბიშვილი მედიცინის საერთაშორისო უმაღლესი სკოლის მიწვევით 14-16 სექტემბერს, ქალაქ ბიშკეკში, ყირგიზეთის რესპუბლიკაში გამართულ რექტორთა საერთაშორისო ფორუმს სტუმრობდნენ.
აღნიშნული ფორუმი სახელწოდებით „უნივერსიტეტების როლი ეროვნული ინოვაციური ეკოსისტემის მშენებლობაში“ ემსახურებოდა საერთაშორისო საუკეთესო პრაქტიკის მეშვეობით უნივერსიტეტების კვლევითი და ინოვაციური საქმიანობის ეფექტიანობის ამაღლებას, უნივერსიტეტების ინტელექტუალური საქმიანობის შედეგების კომერციალიზაციისთვის პრაქტიკული რეკომენდაციების შემუშავებას, ადგილობრივ უნივერსიტეტებსა და საერთაშორისო პარტნიორებს შორის თანამშრომლობის ხელშეწყობას, კვლევისა და საგანმანათლებლო სერვისების ბაზრის წილისა და ინტელექტუალური საქმიანობის შედეგების კონკურენტუნარიანობის გაზრდას.
ფორუმის დასრულების შემდგომ, აღმოსავლეთ ევროპის უნივერსიტეტის დელეგაციამ ქ. ბიშკეკის მედიცინის საერთაშორისო უმაღლესი სკოლის სიმულაციური ცენტრი და საუნივერსიტეტო კლინიკა მოინახულა.
