საქართველოს განათლების, მეცნიერებისა და ახალგაზრდობის სამინისტროს მიერ ინიცირებული ახალგაზრდა მეცნიერთა კვირეული 2024-ის ფარგლებში აღმოსავლეთ ევროპის უნივერსიტეტი მიმდინარე წლის 17 ივნისს მართავს მოსწავლეთა და სტუდენტთა საერთაშორისო სამეცნიერო კონფერენციას: „ახალგაზრდა მეცნიერები პლანეტის უკეთესი მომავლისთვის”.
ახალგაზრდა მეცნიერთა კვირეულის მიზანია ხელი შუწყოს საქართველოში მეცნიერების, ტექნოლოგიებისა და ინოვაციების პოპულარიზაციას, ქვეყნის სამეცნიერო და ინოვაციური პოტენციალის წარმოჩენას, მკვლევართა მიღწევების ფართო საზოგადოებისთვის გაცნობას, ახალგაზრდა მეცნიერთა მოტივირებასა და მხარდაჭერას. შესაბამისად, მოსწავლეთა და სტუდენტთა საერთაშორისო სამეცნიერო კონფერენცია „ახალგაზრდა მეცნიერები პლანეტის უკეთესი მომავლისათვის” მიზნად ისახავს სამეცნიერო საქმიანობაში მოსწავლეთა და სტუდენტთა ერთობლივი ჩართულობის სტიმულირებასა და მეცნიერების პოპულარიზაციას. კონფერენცია ხელს შეუწყობს განსხვავებული დისციპლინების წარმომადგენლებს შორის დიალოგსა და თანამშრომლობას;
ვიწვევთ ყველა მოსწავლეს, ქართველ და საერთაშორისო სტუდენტებს, ახალგაზრდა მეცნიერებს ჩაერთონ აკადემიურ გარემოში და წარმოადგინონ უახლესი კვლევები სხვადასხვა დარგში;
გარდა სამეცნიერო პროგრამისა, კონფერენცია უმასპინძლებს ინტერაქტიულ ვორქშოპებსა და პანელურ დისკუსიებს:
- ევროპულ კვლევით სივრცეში ქართული უნივერსიტეტების ინტეგრაციის გაღრმავებისა და ინტეგრირების ხელშეწყობა.
- კვლევებისა და ინოვაციური საქმიანობის ინდუსტრიასთან მჭიდრო კავშირის მხარდაჭერა.
კონფერენციის სამიზნე აუდიტორია: მოსწავლეები, სტუდენტები, ახალგაზრდა მკვლევრები და ფართო საზოგადოება.
კონფერენციის ფორმატი: პირისპირ, დისტანციურად
სამუშაო ენა: ქართული, ინგლისური
რეგლამენტი: მოხსენება – 15 წთ; კითხვა-პასუხი – 5 წთ.