29 მაისს, აღმოსავლეთ ევროპის უნივერსიტეტში (EEU) სტუდენტებისა და თანამშრომლებისთვის გაიმართა საჯარო ლექცია: ,,კიბერუსაფრთხოება და XXI საუკუნის საერთაშორისო უსაფრთხოების სისტემა”.
სპიკერი: თორნიკე ზედელაშვილი – პოლიტიკის მეცნიერების დოქტორი, იუსტიციის სამინისტროს ციფრული მმართველობის სააგენტოს, ინფორმაციული უსაფრთხოების დეპარტამენტის თანამშრომელი, ინტერნეტ-გამოცემა “ლიდერის” დამფუძნებელი, უკრაინული საერთაშორისო რეფერირებადი ჟურნალის – Policymaker-ის ბორდის წევრი, ფილოსოფიისა და კოსმოლოგიის საერთაშორისო ორგანიზაციის წევრი, ქიმიური, ბიოლოგიური, რადიოლოგიური და ბირთვული საფრთხეების სტრატეგიული კვლევების ინსტიტუტის მკვლევარი.
საჯარო ლექციაზე განხილული იყო კიბერთან დაკავშირებული დეფინიციები, კიბერჰიგიენა, კიბერხარჯები და ზარალი. თორნიკე ზედელაშვილმა ისაუბრა გლობალურ პოლიტიკაზე კიბერსაფრთხეების გავლენის შესახებ. შეხვედრის ფარგლებში განხილული საკითხებიდან ერთ-ერთი იყო ჰაკერთა როლი კიბერსივრცეში.
საჯარო ლექცია მოიცავდა პრაქტიკული მაგალითების განხილვას:
- რუსეთის, საქართველოს, უკრაინის კიბერომი;
- აშშ-ის, ნატოს, ევროკავშირისა და სხვა ქვეყნების კიბერთავდაცვითი პოტენციალი.
საჯარო ლექცია სტუდენტებისა და პერსონალის აქტიური ჩართულობით წარიმართა.
